អាល់ហ្សេរី: នាយកដ្ឋានពន្លត់អគ្គីភ័យ បាននិយាយថា មនុស្សចំនួន ៣៣នាក់ស្លាប់ និង ២២ នាក់ទៀតរងរបួស នៅពេលរថយន្តដឹកទំនិញបុកគ្នា ជាមួយកុងតឺន័រ នៅព្រឹកថ្ងៃសៅរិ៍ ក្នុងខេត្ត Laghouat ចម្ងាយ ៤០០ គីទ្បូម៉ែត្រ ភាគខាងត្បូងប្រទេសអាល់ហ្សេរី។ នេះបើយោងតាមរយ: សារព័ត៌មានចិនស៊ិនហួរ ចេញផ្សាយនៅថ្ងៃទី៤ ខែមិថុនា ឆ្នាំ២០១៦។

តាមប្រភពដដែរ បានឲ្យដឹងថា រថយន្តក្រុងបម្រើការងារនេះ បានធ្វើដំណើរពីភាគពាយព្យនៃខេត្ត Oran និង Ouargla ហើយបានបុកគ្នាជាមួយនឹងរថយន្តកុងតឺន័រ។

មកទល់ពេលនេះ រថយន្តសង្គ្រោះ និងពន្លត់អគ្គីភ័យ បានប្រញាប់ទៅកន្លែងកើតហេតុ ដើម្បីផ្តល់ជំនួយ និងជួយសង្គ្រោះអ្នករងរបួសទាំងនោះ ក្នុងគ្រាដែលប៉ូលិស កំពុងបើកការស៊ើបអង្កេត រកមូលហេតុនៃគ្រោះថ្នាក់នេះ៕