ព័ត៌មានអន្តរជាតិ ព្រឹត្តិការណ៍ សំខាន់ៗ

ជនសង្ស័យថ្នាំញៀននៅហ្វីលីពីនជាង ៦០០ នាក់ ត្រូវប៉ូលិសបាញ់សម្លាប់

ហ្វីលីពីន: អង្គការសហប្រជាជាតិ បានជំរុញឲ្យប្រធានាធិបតីហ្វីលីពីនថ្មី បញ្ឈប់សកម្មភាពសម្លាប់មនុស្ស យ៉ាងរង្គាល ក្រៅប្រព័ន្ធតុលាការ ដែលបានអនុវត្តនៅទូទាំងប្រទេស លើយុទ្ធនាការប្រឆាំងបទល្មើស គឿងញៀន។ នេះបើយោងតាមរយ: សារព័ត៌មានចិនសិង្ហបុរី ចេញផ្សាយនៅថ្ងៃទី២០ ខែសីហា ឆ្នាំ២០១៦។

ផ្សាភ្ជាប់ទៅនឹងយុទ្ធនាការនេះ ប៉ូលិសបានបាញ់សម្លាប់ ជនសង្ស័យគ្រឿងញៀនជាង ៦០០ នាក់ ចាប់តាំងពីខែកក្កដាកន្លងមក។

ប្រព័ន្ធផ្សព្វផ្សាយក្នុងស្រុក បានរាយការណ៍ថា ចំនួនមនុស្សស្លាប់ពិតប្រាកដអាចនឹងលើសពី ១.០០០ នាក់ អំទ្បុងពេលនៃការអនុវត្តយុទ្ធធាការនេះជាក់ស្ដែង។

គួរបញ្ជាក់ដែរថា ប្រតិបត្តិការរបស់ប្រធានាធិបតីហ្វីលីពីន លោក Rodrigo Duterte បានចាប់ផ្ដើម រយ:ពេលប្រាំពីរសប្តាហ៍កន្លងមកហើយ បន្ទាប់ពីលោកទទួលបានជ័យជម្នះ ក្នុងការបោះឆ្នោតភ្លូកទឹកភ្លូកដី ក្រោយសន្យាពេលឈ្នះឆ្នោត លោកនឹងបើកដំណើរការ «សង្គ្រាមបង្ហូរឈាម» ប្រឆាំងនឹងថ្នាំញៀន។ ចាប់តាំងពីពេលនោះមក អ្នកប្រើប្រាស់ និងចែកចាយគ្រឿងញៀនជាងកន្លះលាននាក់ បានចូលខ្លួនមក សារភាពដោយធ្វើកិច្ចសន្យាជាមួយអាជ្ញាធរ និងស្បថឈប់ប្រើថ្នាំញៀនបន្តទៀត៕

PHILIPPINES-POLITICS-DUTERTE

មតិយោបល់