ចិនៈ នារីវ័យក្មេងម្នាក់គិតខ្លីសម្រេចចិត្តលោតសម្លាប់ខ្លួនពីលើអគារកម្ពស់ ១១ជាន់ ប៉ុន្តែបំណាងល្អត្រូវប៉ូលិសក្លាហានម្នាក់ប្រថុយជីវិតលោតចុះជួយសង្គ្រោះទាន់។

យោងតាមសារព័ត៌ស៊ីនហួចុះផ្សាយនៅថ្ងៃទី២៥ ខែសីហា នេះបានឲ្យដងថា ហេតុការណ៍បានកើតឡើងនៅថ្ងៃថ្ងៃទី២៤ ខែសីហា ត្រង់ចំណុចដំបូលអគារកម្ពស់១១ជាន់នៅក្នុងក្រុង Shenzhen ភាគអាគ្នេយ៍ ប្រទេសចិន ខណៈដែលនារីវ័យក្មេងងម្នាក់នោះប៉ុនប៉ងធ្វើអត្តឃាត បន្ទាប់ពីឈ្លោះជាមួយមិត្តប្រុស។ នារីម្នាក់នោះ ត្រូវបានគេឃើញ ថាបានចុះពីដំបូលអគារទៅឈរលើធ្នឹមតូចមួយលើដំបូលកំពស់១១ជាន់។

ពេលបម្រុងនឹងលោតមន្ត្រីប៉ូលិសពីរនាក់ត្រូវបានស្រាវ៉ាចាប់យកដៃរបស់នាង និងការព្យាយាមមិនឲ្យនាងធ្លាក់ នៅពេលនោះមន្ត្រីទីបីបានលោតចុះលើធ្នឹមតូចដែរហើយ គ្រៀកនាងជាប់ខណៈដែលមន្ត្រីពីរនាក់ផ្សេងទៀតបានព្យាយាមទាញនាងឡើង។
ទីបំផុតប៉ូលិសជួយនាងបានសម្រេច ប៉ុន្តែនារីម្នាក់នោះមិនត្រូវបានគេអត្តសញ្ញាណទេ៕