អាមេរិក: បេក្ខភាពប្រធានាធិបតីអាមេរិក លោកស្រី Hillary Clinton នៃគណបក្សប្រជាធិបតេយ្យ បាននិយាយថា ខ្លួនមានទំនុកចិត្តជុំវិញការស៊ើបអង្កេតរបស់ FBI ពាក់ព័ន្ធទៅនឹងអ៊ីម៉ែលរបស់នាង ដែលបានបង្ហាញការរកឃើញថ្មី គឺមិនមានអ្វីផ្លាស់ប្តូរទ្បើយ ហើយលោកស្រីក៏មិនត្រូវបានកាត់ទោសនោះដែរ។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី២៩ ខែតុលា ឆ្នាំ២០១៦។
ពាក់ព័ន្ធនឹងរឿងនេះ លោកស្រី Clinton បានអំពាវនាវឲ្យប្រធាន FBI លោក James Comey ធ្វើការបកស្រាយអំពីការស៊ើបអង្កេតថ្មីរបស់ខ្លួន ដើម្បីពន្យល់ដល់ប្រជាជនអាមេរិកឲ្យបានជ្រាបច្បាស់ផងដែរ។
គួរបញ្ជាក់ដែរថា លោកស្រី Clinton និងលោកស្រី Michelle Obama ធ្វើយុទ្ធនាការរួមគ្នានាពេលបច្ចុប្បន្នជាលើកទី១ កាលពីថ្ងៃព្រហស្បតិ៍ ស្របពេលដែលការស្ទង់មតិបានបង្ហាញថា ការប្រកួតប្រជែងចូលកាន់តំណែងនៅក្នុងសេតវិមានកាន់តែមានសភាពខ្លាំងក្លាឡើង៕
មតិយោបល់