អាល្លឺម៉ង់ៈ ប្រធានាធិបតីអាមេរិក លោកបារ៉ាក់ អូបាម៉ា បានជួបសំណេះសំណាលជាមួយមេដឹកនាំ នៃបណ្តាប្រទេសអឺរ៉ុបសំខាន់មួយចំនួន នៅក្នុងប្រទេសអាល្លឺម៉ង់ ដើម្បីពិភាក្សាអំពីបញ្ហាប្រឈមផ្នែកសេដ្ឋកិច្ច សន្តិសុខ និងការផ្ទេអំណាចឲ្យប្រធានាធិបតីសហរដ្ឋអាមេរិកថ្មីលោក Donald Trump ក្នុងការចូលកាន់តំណែងនាខែមករាខាងមុខនេះ។ នេះបើយោងតាមរយៈ សារព័ត៌មានស៊ិនហួ ចេញផ្សាយថ្ងៃទី១៩ ខែវិច្ឆិកា ឆ្នាំ២០១៦។

ក្នុងកិច្ចប្រជុំកាលពីថ្ងៃសុក្រនេះដែរ លោកអូបាម៉ា បានជួនជាមួយនឹងមេដឹកនាំប្រទេសអាល្លឺម៉ង់ ចក្រភពអង់គ្លេស បារាំង អ៊ីតាលី និងអេស្ប៉ាញ ដែលវាជាការធ្វើភារវកិច្ចមុនពេលលោកបញ្ចប់អាណត្តិរបស់ខ្លួន។

ចាប់តាំងពីលោកអូបាម៉ា បានមកដល់កាលពីថ្ងៃពុធ ក្នុងដំណើរទស្សនកិច្ចលើកទី៦ និងចុងក្រោយរបស់គាត់ទៅកាន់ប្រទេសអាល្លឺម៉ង់ ជាមួយលោកស្រី Merkel គឺបានផ្តោតលើបញ្ហាជាច្រើនដូចជា សកលភាវូបនីយកម្ម និងកិច្ចសហប្រតិបត្តិការលើពាណិជ្ជកម្មឆ្លងទ្វីប៕