សេអ៊ូល: ប្រទេសកូរ៉េខាងត្បូង នៅថ្ងៃពុធ ទី១៦ បានអនុម័តគម្រោងផ្នែកការពារជាតិធំៗចំនួន០៣ ក្នុងនោះមានគម្រោងប្រព័ន្ធអភិវឌ្ឍន៍គ្រាប់រ៉ូកែតបាញ់រយ:ចម្ងាយឆ្ងាយ ដើម្បីជំរុញសមត្ថភាពបន្ថែមទៀត ប្រឆាំងនឹងការឈ្លានពានផ្នែកយោធារបស់ប្រទេសកូរ៉េខាងជើង។

យោងតាមសារព័ត៌មានកូរ៉េខាងត្បូង យ៉ុនហាប់ ចេញផ្សាយនៅថ្ងៃទី១៦ ខែវិច្ឆិកា ឆ្នាំ២០១៦ បានឲ្យដឹងថា ការអនុម័តយល់ព្រមរបស់រដ្ឋាភិបាលកូរ៉េខាងត្បូងនេះ បានកើតឡើងក្នុងពេលដែលស្ថានការណ៍ភូមិសាស្រ្តនៅជំវិញឧបទ្វីបកូរ៉េមិនទាន់មានភាពប្រាកដប្រជា ខណ:ដែលរដ្ឋាភិបាលទីក្រុង បានបង្កើនការសម្ញែងសាច់ដុំយោធា រួមទាំងប្រទេសក្នុងតំបន់ផ្សេងទៀតមានអារម្មណ៍មិនស្រួល និងភ្ញាក់ផ្អើលចំពោះជ័យជម្នះរបស់លោក ដូណាល់ ត្រាំ ដែលបានក្លាយជាប្រធានាធិបតីអាម៉េរិកផងដែរ។

សម្រាប់គម្រោងមួយទៀត ក្នុងចំណោមគម្រោងធំៗទាំង០៣នោះ គឺរដ្ឋាភិបាលទីក្រុង សេអ៊ូល នឹងអនុម័តលើថវិកាចំនួន ១៨,៤ពាន់ពាន់លានវ៉ុន ស្មើនឹង ១៦លានដុល្លារ ដើម្បីកសាងនាវាចម្បាំងជំនាន់ថ្មីឈ្មោះ Batch-III ដែលមានទំងន់ ៣.០០០តោន ដោយប្រើរយ:ពេលសាងសង់ ២៧ខែ ដែលនឹងបញ្ចប់នៅឆ្នាំ២០១៩ខាងមុខ៕