អាមេរិក: ប្រធានាធិបតីអាមេរិកលោក ដូណាល់ ត្រាំ បានរៀបចំបទបញ្ជាឲ្យសាងសង់កំផែងមួយ នៅតាមបណ្តោយព្រំដែនរវាងអាមេរិក ជាមួយប្រទេសម៉ិកស៊ិក និងបានដាក់កំហិតការហាមប្រាមដល់ពួកជនបរទេស ដែលត្រូវអនុញ្ញាតឲ្យចូលក្នុងសហរដ្ឋអាមេរិកជាបណ្តោះអាសន្ន។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី២៦ ខែមករា ឆ្នាំ២០១៧។
លោកបាននិយាយនៅក្នុងបទសម្ភាសន៍មួយ ជាមួយទូរទស្សន៍ ABC ថា ជាការពិតណាស់ម៉ិកស៊ិក ១០០% នឹងត្រូវបង់ថ្លៃដល់អាមេរិក សម្រាប់ការសាងសង់ជញ្ជាំងនេះ ហើយលោកបានបន្ថែមថា សភាអាមេរិកនឹងអនុញ្ញាតឲ្យរដ្ឋាភិបាលអាមេរិបង់សោហ៊ុយសិន បន្ទាប់មករដ្ឋាភិបាលម៉ិកស៊ិកនឹងសងនៅពេលបន្ទាប់។
ចំណាត់ការទាំងនេះ គឺជាការសន្យា ដើម្បីពង្រឹងសន្តិសុខជាតិ ដែលលោកបាននិយាយនៅពេលធ្វើការឃោសនាបោះឆ្នោត។
គួរញ្ជាក់ដែរថា រដ្ឋាភិបាលម៉ិកស៊ិក ធ្លាប់បាននិយាយច្រើនដងមកហើយថា ពួកគេនឹងមិនបង់ប្រាក់សម្រាប់ការកសាងកំផែងនេះទេ ខណ:ដែលប្រធានាធិបតីម៉ិកស៊ិកលោក Enrique Pena Nieto នឹងមកបំពេញទស្សនកិច្ចនៅសេតវិមាននៅសប្តាហ៍ក្រោយ៕
មតិយោបល់