Post News Media ព័ត៌មានអន្តរជាតិ ចិនផ្ទុះកំហឹង...

ចិនផ្ទុះកំហឹងដាក់អាមេរិក!! ដោយបញ្ចូននាចម្បាំងធំៗចំនួនបី ទៅប្រជុំកោះដែលមានជម្លោះជាមួយជប៉ុន

នាវាចម្បាំងចិនធំៗចំនួនបីគ្រឿងនៅថ្ងៃអង្គារ៍នេះត្រូវបានបញ្ចូនចូលដែនទឹកក្បែរប្រជុំកោះកំពុងមានជម្លោះ ដែលខ្លួនហៅថាកោះតាវយូ ហើយខាង ជប៉ុនហៅថាកោះសេនកាគុ ដែលស្ថិតនៅសមុទ្រចិនភាគ​ខាងកើត​​។ នេះបើយោងតាមសារព័ត៌មាន CNN ចេញផ្សាយនៅថ្ងៃទី៧ ខែកុម្ភ: ឆ្នាំ២០១៧។

ការបញ្ចូននាវានេះ បានធ្វើឡើងតែប៉ុន្មានថ្ងៃប៉ុណ្ណោះបន្ទាប់ពីរដ្ឋមន្ត្រីការពារជាតិអាមេរិកលោក James Matti បញ្ជាក់ជាថ្មីពីការប្តេជ្ញាចិត្តរបស់ប្រទេសអាមេរិកចំពោះការការពារប្រទេសជប៉ុន និងកោះដែលមាន​ជម្លោះជាមួយចិន។

បើយោងតាមទូរទស្សន៍ជាតិ​ជប៉ុន NHK បានឲ្យដឹងថា មានការតវ៉ានៅមុខស្ថានទូតចិននាទីក្រុងតូក្យូ
ខណ:ការតវ៉ាដូចគ្នានេះ ត្រូវបានធ្វើឡើងនៅមុខស្ថានទូតជប៉ុនទីក្រុងប៉េកាំង។

រដ្ឋមន្ត្រីការពារជាតិអាមេរិក លោក James Matti កាលពីថ្ងៃសៅរ៍បញ្ជាក់ជាថ្មីពីការប្តេជ្ញាចិត្តរបស់​ក្រុង​វ៉ាស៊ីនតោនដើម្បីការពារជប៉ុនដោយរួមបញ្ចូលទាំងក្រុមកោះមានជម្លោះដែលត្រូវបានអះអាងដោយប្រទេសចិនថាជារបស់ខ្លួន។

លោក Matti បានថ្លែងនៅក្នុងសុន្ទរកថាមួយថា «យើងបានធ្វើការបញ្ជាក់យ៉ាងច្បាស់ថា គោលនយោបាយ​យូរអង្វែងរបស់យើងរឿងប្រជុំកោះសេនកាគូ សហរដ្ឋអាមេរិកនឹងបន្តទទួលស្គាល់ដែនរដ្ឋបាលរបស់​ប្រទេស​ជ​ប៉ុននៅលើប្រជុំកោះមួយនេះ ដែលវាស្ថិតក្នុងមាត្រា៥ នៃសន្ធិសញ្ញាសន្តិសុខអាមេរិក និងជប៉ុន»។

មាត្រា៥នៃសន្ធិសញ្ញានេះ បានចែងថា អាមេរិកនឹងការពារទឹកដីក្រោមការគ្រប់គ្រងរបស់​ជប៉ុនដែល​នឹងរួម​បញ្ចូ​លទាំងកោះសិនកាគុ ដែលជាក្រុមកោះគ្មានមនុស្សរស់នៅក្នុងសមុទ្រចិនខាងកើត និងដែលចិន​ហៅ​កោះ​នោះថា ទាវយូ។

ដំណើរទស្សនកិច្ច Matti ទៅកាន់ប្រទេសជប៉ុន និងកូរ៉េខាងត្បូង ជាយុទ្ធនាការមួយដែលលោក​ប្រធានាធិបតី​ Donald Trump ធ្វើឡើងដើម្បីគាំទ្រសមភាគីក្រុងសេអ៊ូល និងការអភិវឌ្ឍអាវុធនុយ​ក្លេអ៊ែរ​របស់ទីក្រុងតូក្យូដែលជា​សម្ព័ន្ធមិត្តរបស់ខ្លួន និងដើម្បីរក្សាកងទ័ពឈរជើងនៅក្នុងប្រទេសទាំងពីរ។
លោក Lu អ្នកនាំពាក្យក្រសួងការបរទេសចិន នៅថ្ងៃច័ន្ទ បានស្វាគមន៍ជំហរលោក Matti។ លោក Lu បាននិយាយថា «ប្រទេសចិនស្វាគមន៍ជានិច្ចនូវការឆ្លើយតបតាមរយ:ប្រតិបត្តិការយោធា​ទ្រង់ទ្រាយតូច​ឬធំក្នុងតំបន់នេះ ឬក៏ដោះស្រាយតាមរយ:ការទូត»។

សូមជំរាបថា ភាពតានតឹងបានកើតឡើងច្រើនដងក្នុងរយ:កាលប៉ុន្មានឆ្នាំចុងក្រោយនេះ នៅលើប្រជុំ​កោះ​ខាងលើ រួមបញ្ចូលទាំងការប្រឈមមុខរវាងយន្តហោះកងទ័ពជើងទឹកដែលអាចបង្កគ្រោះថ្នាក់ដល់ភាគី​ទាំងពីរ៕