Post News Media ព័ត៌មានអន្តរជាតិ បំផ្ទុះគ្រាប់...

បំផ្ទុះគ្រាប់បែកអត្តឃាត នៅអគារតុលាការកំពូលរដ្ឋធានី អាហ្វហ្គានីស្ថាន ស្លាប់ និងរបួស ៦១ នាក់

អាហ្វហ្គានីស្ថាន: ការបំផ្ទុះគ្រាប់បែកអត្តឃាតមួយ ដែលជនសង្ស័យត្រូវជឿថា បានកំណត់គោលដៅវាយប្រហារទៅលើបុគ្គលិក នៅអគារតុលាការកំពូល ស្ថិតនៅក្បែររដ្ឋធានីកាប៊ុល របស់ប្រទេសអាហ្វហ្គានីស្ថាប បានសម្លាប់មនុស្ស យ៉ាងហោចណាស់ ២០ នាក់ និងរបួស ៤១ នាក់។ នេះបើយោងតាមរយ: សារព័ត៌មាន aljazeera ចេញផ្សាយនៅថ្ងៃ៨ ខែកុម្ភ: ឆ្នាំ២០១៧។

លោក Ismail Kawasi អ្នកនាំពាក្យក្រសួងសុខាភិបាលសាធារណ: បាននិយាយថា ការវាយប្រហារនេះ បានធ្វើទ្បើងនៅក្បែរទ្វារចំហៀង ដែលជាកន្លែងសម្រាប់បុគ្គលិកតុលាការ ចាកចេញពីអគារ ពេលចប់ម៉ោងការងារ។

តាមក្រសួងមហាផ្ទៃ បាននិយាយថា ជនសង្ស័យបានពាក់អាវកាក់ ដោយភ្ជាប់ជាមួយគ្រាប់បែកអត្តឃាត រួចរត់ចូលទៅបំផ្ទុះ ខណ:ដែលបុគ្គលិក និងមនុស្សផ្សេងទៀត ចេញពីអគារតុលាការ៕