ព័ត៌មានអន្តរជាតិ

លោកអាបេ មកដល់សហរដ្ឋអាមេរិក មុនពេលកិច្ចប្រជុំកំពូលជាមួយ ត្រាំ

អាមេរិក: នាយករដ្ឋមន្រ្តីជប៉ុន លោក ស៊ីនហ្សូ អាបេ បានមកដល់ប្រ​លាន​យន្តហោះ Joint Base Andrews ក្នុងរដ្ឋម៉ា​រី​លែ​ន សហរដ្ឋអាមេរិក កាលពីល្ងាចថ្ងៃព្រហស្បតិ៍ នៅមុនពេលជំនួបកំពូលមួយ ជាមួយប្រធានាធិបតីអាមេរិកលោក ដូណាល់ ត្រាំ។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី១០ ខែកុម្ភ: ឆ្នាំ២០១៧។

ប្រភពពីមន្ត្រីរដ្ឋាភិបាលជប៉ុន បានឲ្យដឹងថា ពាក់ព័ន្ធនឹងការចូលរួមប្រជុំកំពូលនេះដែរ លោក អាបេ រំពឹងទុកថា គឺដើម្បីធ្វើកិច្ចចរចាគណ:រដ្ឋមន្ត្រីថ្មីរវាងជប៉ុន និងអាមេរិក ស្តីពីពាណិជ្ជកម្ម សន្តិសុខ និងបញ្ហាម៉ាក្រូសេដ្ឋកិច្ច រួមទាំងរូបិយប័ណ្ណ ក្នុងអំឡុងពេលកិច្ចប្រជុំរបស់ពួកគេ នៅថ្ងៃសុក្រនេះផងដែរ។

បន្ទាប់ពីជំនួបនៅទីក្រុងវ៉ាស៊ីនតោន លោកអាបេ និងលោក ត្រាំ គ្រោងនឹងធ្វើដំណើរទៅកាន់ឆ្នេរ Palm ក្នុងរដ្ឋ Florida ដោយស្នាក់នៅក្នុងភូមិគ្រឹះមាសដ៏​ធំ​ស្កឹមស្កៃរបស់ប្រធានាធិបតីអាមេរិក មាន​ឈ្មោះ​ថា Mar-a-Lago ដែលសំណង់​អចលនទ្រព្យនេះ ​យក​គំរូ​តាម​វិមាន​អឺរ៉ុប ក្នុងនោះមេដឹកនាំទាំងពីរ នឹងលេងកីឡាវាយកូនគោលជាមួយគ្នា នៅថ្ងៃសៅរ៍៕

មតិយោបល់