Post News Media ព័ត៌មានអន្តរជាតិ ជាថ្មីម្ដងទៀត...

ជាថ្មីម្ដងទៀត! កូរ៉េខាងជើង បានបាញ់បង្ហោះមីស៊ីលផ្លោងរបស់ខ្លួ​ន

កូរ៉េ: មន្ត្រីនៅក្នុងអគ្គសេនាធិការចម្រុះ (JCS) បាននិយាយថា ប្រទេសកូរ៉េខាងជើង បានបាញ់មីស៊ីលមួយ ប្រភេទមិនស្គាល់អត្តសញ្ញាណផ្លោង ឆ្ពោះទៅកាន់ឆ្នេរសមុទ្រភាគខាងកើតនៃប្រទេសនេះ។ នេះបើយោងតាមរយ: BBC ចេញផ្សាយនៅថ្ងៃទី ១២ ខែកុម្ភ: ឆ្នាំ២០១៧។

មីស៊ីលផ្លោងនេះ បានចាប់ផ្តើមបាញ់នៅម៉ោងប្រហែល ៧ និង៥៥ នាទីព្រឹក (ម៉ោងក្នុងស្រុក ) ចេញពី Banghyeon ស្ថិតនៅក្នុងខេត្ត Pyongan របស់កូរ៉េខាងជើង ដោយត្រូវបានគេប៉ាន់ប្រមាណថា វាមានរយ:ចម្ងាយមធ្យម។

សូមជំរាបថា មេដឹកនាំកូរ៉េខាងជើង លោកគីម ជុងអ៊ុន ធ្លាប់បានលើកទ្បើងកាលពីខែមករាថា ប្រទេសរបស់ខ្លួន គឺកំពុងខិតទៅជិតការសាកល្បងមីស៊ីល រយ:ចម្ងាយឆ្ងាយ ដែលមានសមត្ថភាពអាចបំពាក់ក្បាលគ្រាប់នុយក្លេអ៊ែរ៕