ជប៉ុន: នាយករដ្ឋមន្ត្រីជប៉ុនលោក អាបេ បាននិយាយដោយមានការគាំទ្រពីប្រធានាធិបតីអាមរិក លោក ដូណាល់ ត្រាំកាលពីយប់ថ្ងៃសៅរ៍ ក្នុងសន្និសីទកាសែតមួយ នៅឯគេហដ្ឋានធំមួយរបស់លោក ត្រាំ ថា ការបាញ់កាំជ្រួចមីស៊ីលផ្លោងរបស់កូរ៉េខាងជើងចូលក្នុងសមុទ្រជប៉ុន គឺមិនអាចអត់ឱនឲ្យបានទេ។ នេះបើយោងតាមរយ: សារព័ត៌មាន CNN ចេញផ្សាយនៅថ្ងៃទី១៣ ខែកុម្ភ: ឆ្នាំ២០១៧។
ក្នុងសន្និសីទកាសែតនេះដែរ លោក ត្រាំ ក៏បានលើកទ្បើងថា លោកចង់ឲ្យអ្នករាល់គ្នាបានដឹងថា អាមេរិកឈរ១០០ ភាគរយពីក្រោយប្រទេសជប៉ុន ដែលជាសម្ព័ន្ធមិត្ដ៏តធំមួយរបស់ខ្លួនផងដែរ ដោយលោក បានថ្កោលទោសយ៉ាងខ្លាំង ចំពោះការបាញ់តេស្តសាកល្បងកាំជ្រួចមីស៊ីលរបស់រដ្ឋាភិបាលកូរ៉េខាងជើង។
សូមជំរាបថា កូរ៉េខាងជើង បានបាញ់សាកល្បងមីស៊ីលមួយគ្រាប់ កាលពីវេលាម៉ោងប្រហែលជា ៧ និង៥៥នាទីព្រឹក (ម៉ោងនៅក្នុងស្រុក) ចេញពីមូលដ្ឋានទ័ពអាកាស Panghyon នៃខេត្ត Pyongan ខាងជើង ដែលគ្រាប់នេះ មានសមត្ថភាពហោះលើអាកាសបាន ក្នុងរយ:កម្ពស់ ៥៥០គីឡូម៉ែត្រ៕
មតិយោបល់