អាមេរិកៈ អនុប្រធានាធិបតីអាមេរិក លោក Mike Pence បានប្រាប់ថ្នាក់ដឹកនាំអឺរ៉ុប នៅឯសន្និសីទស្ដីពីសន្តិសុខ ក្នុងទីក្រុង Munich ប្រទេសអាល្លឺម៉ង់ថា អាមេរិក នឹងគាំទ្រយ៉ាងពេញទំហឹង ចំពោះអង្គការណាតូ។ នេះបើយោងតាមរយៈ សារព័ត៌មាន BBC ចេញផ្សាយនៅថ្ងៃទី ១៧ ខែកុម្ភៈ ឆ្នាំ២០១៧។

នៅក្នុងគោលនយោបាយការបរទេស ដ៏សំខាន់ជាលើកដំបូង សម្រាប់រដ្ឋបាលប្រធានាធិបតី ត្រាំ លោក Pence បាននិយាយថា « អាមេរិក នឹងឈរយ៉ាងរឹងមាំងជាមួយអឺរ៉ុប នាពេលបច្ចុប្បន្ននេះ និងថ្ងៃអនាគតផងដែរ»៕

ក្នុងនោះលោក ក៏បានប្រាប់ទៅកាន់មេដឹកនាំបណ្ដាលប្រទេសអឺរ៉ុប ដែលមិនបានបង់ប្រាក់គ្រប់គ្រាន់ ទៅលើវិស័យការពារសម្រាប់អង្គការមួយនេះ ឲ្យចូលរួមចែករំលែកផងដែរ៕