អាមេរិក: ប្រធានាធិបតីអាមេរិក លោក ដូណាល់ ត្រាំ បានអះអាងថា ការបោះឆ្នោតជ្រើសរើសយកលោក Tom Perez អតីតរដ្ឋមន្ត្រីក្រសួងការងារឲ្យធ្វើជាប្រធានគណ:កម្មាធិការជាតិរបស់គណបក្សប្រជាធិបតេយ្យ គឺដើម្បីព្យាយាមបង្រួបបង្រួមគ្នាឡើងវិញ ក្រោយពីខកចិត្តយ៉ាងខ្លាំង ចំពោះលោកស្រី ហ៊ីលឡារី គ្លីនតុន បានចាញ់ឆ្នោតខាងគណបក្សសាធារណរដ្ឋ កាលពីខែវិច្ឆិកា។ នេះបើយោងតាមរយ: សារព័ត៌មាន sputnik ចេញផ្សាយនៅថ្ងៃទី ២៧ ខែកុម្ភ: ឆ្នាំ២០១៧។
លោក ត្រាំ បានសរសេរនៅលើគណនី Twitter ផ្ទាល់ខ្លួនថា «មិនមានអ្វីសប្បាយចិត្តជាងនេះនោះទេ»សម្រាប់លោក Perez ឬក៏ «គណបក្សសាធារណរដ្ឋនោះ»។
លើសពីនេះទៅទៀត លោក ត្រាំ ថែមទាំងបានប្រៀបធៀបការប្រកួតប្រជែងកាលពីថ្ងៃសៅរ៍ ទៅនឹងការប្រកួតប្រជែងកាលពីឆ្នាំមុន ដោយរូបលោក បានចំអន់ទៅលោកស្រី ហ៊ីលឡារី គ្លីនតុន អតីតរដ្ឋមន្ត្រីក្រសួងការបរទេសអាមេរិកថា អាចយកឈ្នះលើលោក Bernie Sanders សមាជិកព្រឹទ្ធសភារដ្ឋ Vermont ដើម្បីក្លាយខ្លួនជាបេក្ខភាពប្រធានាធិបតីដែលត្រូវចិត្តសម្រាប់គណបក្សប្រជាធិបតេយ្យ ទៅលើការធ្វើកំណែទម្រង់ដ៏ពេញនិយម ប៉ុន្តែនៅទីបំផុតនៅតែចាញ់លោក ត្រាំ ដដែល។
សូមជំរាបថា លោក Perez ធ្លាប់បានបម្រើការក្នុងរដ្ឋបាលរបស់អតីតប្រធានាធិបតី លោក បារ៉ាក់ អូបាម៉ា ដែលបានឈ្នះនៅក្នុងការប្រជែងក្នុងគណបក្សប្រជាធិបតេយ្យលើលោក Keith Ellison សមាជិកសភារដ្ឋ Minnesota ជាមួយនឹងសំឡេងគាំទ្រ ២៣៥ ទល់នឹង ២០០៕
មតិយោបល់