កូរ៉េៈ សហភាពអឺរ៉ុប (EU) នៅថ្ងៃអាទិត្យ បានថ្កោលទោសរដ្ឋាភិបាលក្រុងព្យុង ជុំវិញការគឃ្លើនបាញ់សាកល្បងមីស៊ីល Ballistic ថ្មីមួយទៀត ដោយបានធ្វើការស្ដីបន្ទោសយ៉ាងខ្លាំង និងបានលើកទ្បើងថា វាជាការគំរាមគំហែងដល់សន្តិភាព និងសន្តិសុខអន្តរជាតិយ៉ាងធ្ងន់ធ្ងរ។ នេះបើយោងតាមរយៈ សារព័ត៌មានចិនស៊ិនហួ ចេញផ្សាយនៅថ្ងៃទី១៥ ខែឧសភា ឆ្នាំ២០១៧។

អ្នកនាំពាក្យភ្នាក់ងារការទូតរបស់សហភាពអឺរ៉ុបម្នាក់ បាននិយាយនៅក្នុងសេចក្តីថ្លែងការណ៍មួយថា សកម្មភាពរបស់កូរ៉េខាងជើងនៅពេលនេះ បានរំលោភលើដំណោះស្រាយ នៃក្រុមប្រឹក្សាសន្តិសុខអង្គការសហ ប្រជាជាតិយ៉ាងធ្ងន់ធ្ងរ។

ក្នុងនោះអ្នកនាំពាក្យ បានបន្ថែមទៀតថា ការរឹងទទឹងបន្តធ្វើតេស្តសាកល្បាងបាញ់មីស៊ីលពីសំណាក់រដ្ឋាភិបាល កូរ៉េខាងជើង កំពុងតែបង្កការគំរាមគំហែងសន្តិភាព និងសន្តិសុខអន្តរជាតិយ៉ាងធ្ងន់ធ្ងរ ព្រមទាំងបន្ថែមភាពតានតឹង នៅលើតំបន់ឧបទ្វីបកូរ៉េ កាន់តែខ្លាំងទ្បើងផងដែរ។

គួរបញ្ជាក់ដែរថា កូរ៉េខាងជើង បានបាញ់សាកល្បងព្រឹកម៉ីសីល Ballistic ថ្មីមួយទៀត កាលពីព្រលឹមថ្ងៃអាទិត្យ ចេញពីតំបន់ឆ្នេរសមុទ្រភាគខាងលិច នៃប្រទេសរបស់ខ្លួន៕