អង់គ្លេស: រូបភាពទូរទស្សន៍ CCTV បង្ហាញពីអ្នកបំផ្ទុះគ្រាប់បែកអត្តឃាតម្នាក់ ឈ្មោះ Salman Abedi ដែលបានវាយប្រហារនៅពេលយប់ ក្នុងតំបន់ Manchester Arena ដោយសម្លាប់មនុស្ស ២២ នាក់។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី២៨ ខែឧសភា ឆ្នាំ២០១៧។
មកទល់ពេលនេះ ១៤ ទីតាំងហើយ ដែលខាងអាជ្ញាធរប៉ូលិសកំពុងធ្វើការស្វែងរក និងបុរស ១១ នាក់ ត្រូវបានចាប់ឃុំខ្លួនដោយសង្ស័យថា ជាប់ពាក់ព័ន្ធនឹងបទល្មើសភេរវកម្ម។
លោកស្នងការប៉ូលិស Ian Hopkins បានកំណត់អត្តសញ្ញាណជនឈ្មោះ Abedi អាយុ២២ឆ្នាំថា ជាអ្នកវាយប្រហារនៅរយ:ពេលពីរម៉ោង បន្ទាប់ពីកើតហេតុការណ៍នោះ។
ស្ថានភាពគំរាមកំហែងនៅអង់គ្លេស ត្រូវបានកាត់បន្ថយ ខណ:ទាហានត្រូវបានដាក់ពង្រាយ ដើម្បីជួយដល់ប៉ូលិសពង្រឹកសណ្ដាប់ធ្នាប់សន្តិសុខ បន្ទាប់ពីការវាយប្រហារនេះ។
គួរបញ្ជាក់ដែរថា ក្រុមភេរវកម្មរដ្ឋអ៊ីស្លាម បានអះអាងទទួលខុសត្រូវនៅក្នុងការបំផ្ទុះគ្រាប់បែក កាលពីយប់ថ្ងៃច័ន្ទ ដែលបានសម្លាប់មនុស្ស ២២នាក់ និង ៥៩នាក់ផ្សេងទៀតរងរបួស ដោយភាគច្រើនគឺជាក្មេងស្រីៗ៕
មតិយោបល់