ផ្ទះ ព័ត៌មានអន្តរជាតិ ខណ:ភ្លៀងធ្លាក...

ខណ:ភ្លៀងធ្លាក់ខ្លាំង បង្កឲ្យតំបន់នៅទីក្រុងបាងកកជន់លិច អាជ្ញាធរកំពុងអនុវត្តវិធីសាស្រ្តទប់ស្កាត់

0

ថៃ: រដ្ឋបាលក្រុងបាងកក (BMA) កំពុងធ្វើឲ្យប្រសើរឡើងនូវសក្ដានុពលរបស់ទីក្រុង ដើម្បីទប់ទល់នឹងបញ្ហាទឹកជំនន់ ជាមួយមូលដ្ឋានសម្ភារ: និងឧបករណ៍ថ្មី ព្រមទាំកម្លាំងពលកម្ម ដើម្បីផ្លាស់ប្ដូរទីក្រុង ខណ:ដែលឥឡូវនេះឃើញថា កម្ពស់ទឹកភ្លៀងបានទ្បើងរហូតដល់ ៦០មីល្លីម៉ែត្រ ក្នុងរយ:ពេល ២៤ ម៉ោង ដែលបណ្តាលឲ្យកម្រិតទឹកប្រឡាយកើនឡើង។ នេះបើយោងតាមរយ: សារព័ត៌មាន BangKok Post ចេញផ្សាយនៅថ្ងៃទី៣១ ខែឧសភា ឆ្នាំ២០១៧។

ករណីពីរកាលពីពេលថ្មីនេះៗ បានបង្ហាញពីទីក្រុងបាងកក កំពុងប្រឈមមុខនឹងការជនលិច ដោយសារភ្លៀងធ្លាក់ជោកជាំ ជាមួយផ្គររន្ទះ វាយប្រហារនៅក្នុងទីក្រុង កាលពីថ្ងៃពុធ និងថ្ងៃព្រហស្បតិ៍សប្តាហ៍មុន។

មជ្ឈមណ្ឌលបង្ការទឹកជំនន់រដ្ឋបាលក្រុងបាងកក បានឲ្យដឹងថា យ៉ាងហោចណាស់ ទីតាំងសំខាន់ៗចំនួន ២៩ កន្លែងនៅទីក្រុងបាងកក បានជនលិចដោយសារភ្លៀង ក្នុងរយ:ពេលពីរថ្ងៃ ដែលនៅផ្លូវ Ratchadaphisek ទល់មុខនឹងអគារតុលាការព្រហ្មទណ្ឌ មានកម្រិតទឹកជំនន់ក្រោម២០ សង់ទីម៉ែត្រ។

ភ្លៀងធ្លាក់ខ្លាំងនេះ បានវាយប្រហារនៅស្រុក Wang Thonglang ដែលមានអត្រាកម្ពស់ទឹកភ្លៀងអតិបរមា ១៦៩ មីល្លីម៉ែត្រ ក្នុងមួយម៉ោង៕

Loading...