អង់គ្លេស: នាយករដ្ឋមន្ត្រីលោកស្រី Theresa May បានទទួលសំទ្បេងនាំមុខគេ សម្រាប់ការបោះឆ្នោតនៅក្នុងប្រទេស​ បើទោះបីគណបក្សលោកស្រី បាត់បង់អាសន:សភាយ៉ាងច្រើនក៏ដោយ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី០៩ ខែមិថុនា ឆ្នាំ២០១៧។

ការស្ទង់មតិ បានឲ្យដឹងថា គណបក្សអភិរក្សរបស់នាយរដ្ឋមន្ត្រី នឹងក្លាយជាបក្សធំជាងគេ ប៉ុន្តែមិនមានសំឡេងភាគច្រើន នៅក្នុងសភានោះទេ បន្ទាប់ពីការបោះឆ្នោតក្នុងប្រទេស។

តាមរយ:លទ្ធផលពីការិយាល័យបោះឆ្នោត បានបង្ហាញថា បក្សលោកស្រី May បានបាត់បង់អាសន:ពី ៣៣០ មកនៅត្រឹមតែ ៣១៤ ប៉ុណ្ណោះ ជាមួយនឹងអាសន:សរុប ៦៥០ អាសន:។

ចំណែកឯគណបក្សពលកររបស់លោក Jeremy Corbyn ជាបក្សប្រឆាំងដ៏ធំនៅអង់គ្លេស ទទួលបានអាសន:កើនទ្បើងពី ២២៩ អាសន: ទៅ ២៦៦ អាសន:វិញផងដែរ។

គួរបញ្ជាក់ដែរ ការធ្លាក់ចុះអាសន: ឬបាត់បង់ប្រជាប្រិយភាពរបស់គណបក្សកាន់អំណាច ត្រូវបានគេមើលឃើញថា គឺដោយសារដំណើរចាកចេញពីសហភាពអឺរ៉ុប បូករួមទាំងហេតុការណ៍ វាយប្រហារភេរវកម្មពីរលើក ដែលទើបកើតមានទ្បើង នៅក្នុងប្រទេសថ្មីៗនេះ៕