កូរ៉េ: រដ្ឋាភិបាលក្រុងសេអ៊ូល និងវ៉ាស៊ីនតោន នៅថ្ងៃពុធនេះ បានធ្វើសមយុទ្ធកាំជ្រួច មីស៊ីលរួមគ្នា មួយថ្ងៃបន្ទាប់ពីកូរ៉េខាងជើង បានប្រកាសទទួលជោគជ័យពីការសាកល្បងបាញ់មីស៊ីលផ្លោងអន្តរទ្វីប (ICBM) ។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី០៥ ខែកក្កដា ឆ្នាំ២០១៧។

នាយករដ្ឋមន្ត្រីកូរ៉េខាងត្បូង បាននិយាយនៅក្នុងសេចក្តីថ្លែងការណ៍មួយថា « ក្រុមអង្គភាពកាំជ្រួចមីស៊ីល របស់កូរ៉េខាងត្បូង និងអាមេរិក បានធ្វើសមយុទ្ធបាញ់មីស៊ីលរួមគ្នា នៅសមុទ្រខាងកើតវេលាម៉ោង ០៧ព្រឹក (ម៉ោងក្នុងស្រុក កាលពីថ្ងៃអង្គារ) ដើម្បីឆ្លើយតបទៅនឹងទង្វើបង្កហេតុម្តងហើយម្តងទៀតរបស់កូរ៉េខាងជើង»។

សមយុទ្ធនេះ បានបាញ់មីស៊ីលផ្លោង Hyunmoo-II របស់យោធាកូរ៉េខាងត្បូង និងកាំជ្រួចមីស៊ីល ATACMS របស់កងទ័ពអាកាសអាមេរិកទី ៨ ដើម្បីបង្ហាញសមត្ថភាពរួមគ្នារបស់ពួកគេ នៅក្នុងស្ថានភាពគ្រាអាសន្ន។

គួរបញ្ជាក់ដែរថា ការធ្វើសមយុទ្ធមីស៊ីលរួមគ្នា ត្រូវបានធ្វើទ្បើងបន្ទាប់ពីកូរ៉េខាងជើង បានបាញ់សាកល្បងមីស៊ីល ICBM មានឈ្មោះថា Hwasong-14 អាចហោះបានចម្ងាយ ៩៣០ គីឡូម៉ែត្រ ជាមួយនឹងរយ:កម្ពស់រហូតដល់ ២.៨០០ គីឡូម៉ែត្រឯណោះ៕