ជប៉ុន: ក្មេងប្រុសអាយុ ៧ឆ្នាំម្នាក់ ដែលបានបាត់ខ្លួន បន្ទាប់ពីម្ដាយឪពុក របស់គាត់ ទុលគាត់ចោលឲ្យនៅម្នាក់ឯងក្នុងព្រៃ នៅពេលដែលពួកគេទ្បើងភ្នំ ចេញទៅប្រមូលបន្លែព្រៃ ត្រូវបានរកឃើញថា នៅមានជីវិត និងមិនមានរងរបួសទ្បើយ ក្រោយការស្វែងរកជិតមួយសប្ដាហ៍ ដោយកងកម្លាំងយោធាជប៉ុន។ នេះបើយោងតាមរយ: សារព័ត៌មាន BBC ចេញផ្សាយនៅថ្ងៃទី៣ ខែមិថុនា ឆ្នាំ២០១៦។
អ្នកនាំពាក្យប៉ូលិសម្នាក់លោក Manabu Takehara បាននិយាយថា ក្មេងប្រុសអាយុ ៧ឆ្នាំម្នាក់នេះ ឈ្មោះ Yamato Tanooka ត្រូវបានស្វែងរកឃើញ ដោយទាហានម្នាក់ នៅមូលដ្ឋានយោធាមួយ ភាគខាងជើងកោះហុកកៃដូ។
លោកបានឲ្យដឹងបន្ថែមថា “ក្មេងប្រុសនេះ មើលទៅមានសុខភាពល្អ ហើយខណ:នេះគាត់ ត្រូវបានគេនាំទៅមន្ទីរពេទ្យ ដោយឧទ្ធម្ភាគចក្រដើម្បីទៅពិនិត្យសុខភាព”៕
មតិយោបល់