ព័ត៌មានអន្តរជាតិ

ស្តេចអេស្ប៉ាញ ហៅការបោះឆ្នោតប្រជាមតិឯករាជ្យនៅតំបន់ Catalonia ជាទង្វើខុសច្បាប់ និងគ្មានប្រជាធិបតេយ្យ

អេស្ប៉ាញ: ព្រះមហាក្សត្រហ្វីលីបទី៦ (Felipe VI) នៃប្រទេសអេស្ប៉ាញ បានវាយប្រហារទៅលើអ្នករៀបចំ ការបោះឆ្នោតប្រជាមតិឯករាជ្យនៅតំបន់ Catalonia ថា ជាទង្វើខ្វះភក្ដីភាពចំពោះរដ្ឋាភិបាលអេស្ប៉ាញ ដែលមិនធ្លាប់មានពីមុនមក សម្រាប់ប្រទេសជាតិ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី០៤ ខែតុលា ឆ្នាំ២០១៧។

បន្ទាប់ពីមានភាពចម្រូងចម្រាស ដោយប៉ូលិសអេស្ប៉ាញ បានប្រើអំពើហិង្សាមកលើប្រជាជន ជុំវិញការធ្វើប្រជាមតិនៅតំបន់ Catalonia នោះ មនុស្សជាច្រើននាក់នៅទូទាំងប្រទេសអេស្ប៉ាញ បានសង្ឃឹមថា ព្រះមហាក្សត្រនឹងអាចជួយដោះស្រាយចំពោះវិបត្តិមួយនេះ ដោយសន្តិភាព បើទោះបីរដ្ឋាភិបាលកណ្ដាល នៅទីក្រុងម៉ាឌ្រីត បានចាត់ទុកថា ការធ្វើប្រជាមតិមួយនេះ ជាអំពើខុសច្បាប់ក៏ដោយ។

នៅក្នុងសុន្ទរករបស់ព្រះមហាក្សត្រអេស្ប៉ាញ កាលពីយប់ថ្ងៃអង្គារ បានមានប្រសាសន៍ថា «អស់រយ:ពេលជាយូរមកហើយ អង្គភាពមួយចំនួននៅ Catalonia មិនបានដើរតាមមណ្ឌល ឬច្បាប់នៃប្រទេស ដែលត្រូវបានកំណត់សម្រាប់ការគ្រប់គ្រងនោះទេ»។

ដោយព្រះអង្គ បានហៅទង្វើនោះថា «ជាការបង្ហាញការខ្វះភក្ដីភាព ចំពោះរដ្ឋាភិបាល ខណ:ពួកគេ បានលួចប្រព្រឹត្តខុសពីគោលការណ៍ នៃលទ្ធិប្រជាធិបតេយ្យ ដែលរដ្ឋនីមួយៗ ត្រូវតែគោរពតាមច្បាប់របស់ប្រទេស»៕

មតិយោបល់