Post News Media ព័ត៌មានអន្តរជាតិ យន្តហោះចម្បាំ...

យន្តហោះចម្បាំងអាមេរិក កូរ៉េខាងត្បូង និងជប៉ុន ធ្វើសមយុទ្ធយោធារួមគ្នា នៅជិតឧបទ្វីបកូរ៉េ

អាមេរិក: តាមសេចក្តីថ្លែងការណ៍យោធាអាមេរិក បាននិយាយថា យន្តហោះចម្បាំងរបស់កងកម្លាំងទ័ពអាកាសអាមេរិក កូរ៉េខាងត្បូង និងជប៉ុន បានធ្វើសមយុទ្ធយោធារួមគ្នាមួយ នៅលើសមុទ្រជប៉ុន កាលពីយប់ថ្ងៃអង្គារ ដើម្បីពង្រឹងជំនាញប្រយុទ្ធរបស់ពួកគេ។ នេះបើយោតាមសារព័ត៌មាន Sputnik ចេញផ្សាយនៅថ្ងៃទី១១ ខែតុលា ឆ្នាំ២០១៧។

លោក Patrick Applegate មន្ត្រីកងទ័ពអាកាសអាមេរិក បានថ្លែងនៅក្នុងសេចក្តីថ្លែងការណ៍មួយ កាលពីថ្ងៃទី១០ ខែតុលាថា «នេះជាការបង្ហាញឲ្យឃើញច្បាស់ ពីសមត្ថភាពរបស់អាមេរិក ក្នុងការធ្វើប្រតិបត្តិការដ៏មានប្រសិទ្ធភាព ជាមួយសម្ព័ន្ធមិត្តរបស់ខ្លួន គ្រប់ពេល និងគ្រប់ទីកន្លែង»។

ដោយមន្ត្រីរូបនេះ បានបញ្ជាក់ទៀតថា សមយុទ្ធយោធារួមគ្នា រវាងប្រទេសទាំងបី បានធ្វើទ្បើងប្រកបដោយសុវត្ថិភាព ដើម្បីបង្ហាញពីសមត្ថភាពដ៏ខ្លាំងក្លា ដែលជាយុទ្ធសាស្ត្រយ៉ាងសំខាន់របស់ពួកគេ ក្នុងការការពារខ្លួន និងវាយប្រហារចំពោះសត្រូវ។

សូមជំរាបថា នេះជាលើកដំបូងហើយ សម្រាប់យន្តហោះទម្លាក់គ្រាប់បែក B-1B របស់អាមេរិក បានធ្វើសមយុទ្ធរួមគ្នា ជាមួយសមភាគីជប៉ុន និងកូរ៉េខាងត្បូង ក្នុងពេលដំណាលគ្នា កាលពីយប់មិញ៕