ឥណ្ឌូនេស៊ី: តាមប៉ូលិសក្នុងតំបន់ បាននិយាយនៅថ្ងៃព្រហស្បតិ៍នេះថា ករណីផ្ទុះឆេះដ៏ខ្លាំងក្លាមួយ នៅរោងចក្រផលិតកាំជ្រួច ក្នុងទីក្រុង Tanggerang បានសម្លាប់កម្មកអស់ ៣០ នាក់ និង ៤៦ នាក់ទៀតរងរបួស។ នេះបើយោងតាមសារព័ត៌មានចិនស៊ិនហួ ចេញផ្សាយនៅថ្ងៃទី២៦ ខែតុលា ឆ្នាំ២០១៧។

ក្រុមមន្រ្តីសន្តិសុខ និងសណ្តាប់ធ្នាប់នៅទីក្រុង បាននិយាយថា អ្នករងរបួសទាំងអស់ ត្រូវបានសម្រាកព្យាបាលក្នុងមន្ទីរពេទ្យចំនួន ៣កន្លែង នៅក្បែរៗនោះ ខណ:ដែលសាកសពភាគច្រើន ត្រូវបានគេរកឃើញនៅក្នុងបន្ទប់ផលិតកម្មរបស់រោងចក្រ។

សូមជំរាបថា ឧបទ្ទវហេតុនេះដែរ ត្រូវបានប៉ូលិសនិយាយថា គឺបានបង្កឡើងដោយសារសៀគ្វី៕