ព័ត៌មានអន្តរជាតិ

ព្យុះដ៏ខ្លាំងនៅអូស្ត្រាលី បណ្ដាលឲ្យមនុស្សចំនួន ៣នាក់ស្លាប់ និងបាត់ខ្លួនជាច្រើននាក់

អូស្ត្រាលី: មន្ត្រីប៉ូលិស បាននិយាយថា អាកាសធាតុព្រៃ បានវាយបោកបក់ ចូលទៅកាន់ឆ្នេរសមុទ្រ ភាគខាងកើតប្រទេសអូស្ត្រាលី បង្កើតជារលកយក្ស លើឆ្នេរសមុទ្រទីក្រុងស៊ីដនី ដែលបានបណ្ដាលឲ្យមនុស្សចំនួន ៣នាក់ស្លាប់ និងបាត់ខ្លួនជាច្រើននាក់។ នេះបើយោងតាមរយ: សារព័តមាន channelnewsasia ចេញផ្សាយនៅថ្ងៃទី៦ ខែមិថុនា ឆ្នាំ២០១៦។

ព្យុះដ៏ខ្លាំងនេះ បានវាយប្រហារឆ្នេរសមុទ្រអស់រយ:ពេលជាងមួយសប្តាហ៍ បណ្ដាលឲ្យជន់លិចនៅរដ្ឋ New South Wales។

បើតាមប៉ូលិស បាននិយាយថា អ្នកមុជទឹកបានរកឃើញសាកសពចំនួនពីរ ចេញពីក្នុងរថយន្ត ដែលត្រូវបានហូរចេញទៅឆ្ងាយ ដោយសារទឹកជំនន់ ភាគនិរតីនៅតំបន់ Leppington ជាយទីក្រុងស៊ីដនី និងតំបន់ប្រជុំជន Bowral ចម្ងាយ ១០០ គីឡូម៉ែត្រពីភាគខាងត្បូងទីក្រុង។

ក្រុមអាជ្ញាធរ បាននិយាយថា សាកសពទីបី ត្រូវបានគេរកឃើញនៅក្បែរ ទន្លេជន់លិចទឹកមួយ ឆ្លងកាត់ជិតទីក្រុងកង់បេរ៉ា ដែលក្រុមសង្គ្រោះ បានព្យាយាមជួយសង្គ្រោះគាត់ដែរ តែត្រូវបរាជ័យដោយសារអាកាសធាតុ និងទឹកជំនន់កើនឡើងយ៉ាងឆាប់រហ័ស៕

a-wild-storm-lashing-the

in

index

TOPSHOTS-TOPSHOT-AUSTRALIA-_001

មតិយោបល់