ចិន: រដ្ឋាភិបាលក្រុងប៉េកាំង បានជំរុញឲ្យសហគមន៍អន្តរជាតិ បង្ហាញការគាំទ្ររបស់ពួកគេ នៅក្នុងភាពវិជ្ជមាន ចំពោះកិច្ចចរចារវាងកូរ៉េខាងត្បូង និងកូរ៉េខាងជើង ជាជាងការគិតពីស្ថានការណ៍ នៅលើឧបទ្វីបមួយនេះ កាន់តែមានភាពប្រេះឆា មិនអាចផ្សះផ្សាបាននោះ។ នេះបើយោងតាមសារព័ត៌មានបរទេស ចេញផ្សាយនៅថ្ងៃទី៧ ខែមករា ឆ្នាំ២០១៨។
ប្រទេសចិនសង្ឃឹមថា រាល់ភាគីពាក់ព័ន្ធក្នុងជម្លោះទាំងអស់ នឹងអាចដោះស្រាយគ្នាដោយសន្តិវិធី តាមរយ:ការទាញយកផលប្រយោជន៍ពីកិច្ចចរចាដ៏ល្អនេះ ដើម្បីបន្ធូរបន្ថយភាពតានតឹងនៅឧបទ្វីបមួយនេះ។
សូមជំរាបថា ការអត្ថាធិប្បាយនេះ បានកើតឡើងបន្ទាប់ពីក្រុងព្យុងយ៉ាង កាលពីថ្ងៃសុក្រ បានទទួលយកសំណើររបស់ក្រុងសេអ៊ូ ក្នុងការបើកឲ្យមានកិច្ចពិភាក្សាអន្តររដ្ឋាភិបាលជាន់ខ្ពស់ ដើម្បីបង្កើនទំនាក់ទំនងល្អប្រសើរឡើង សម្រាប់ប្រទេសកូរ៉េទាំង២ នៅថ្ងៃទី៩ ខែមករាខាងមុខ៕
មតិយោបល់