Post News Media ព័ត៌មានអន្តរជាតិ ប្រធានាធិបតីក...

ប្រធានាធិបតីកូរ៉េខាងត្បូង ទស្សនាការប្រគំតន្ត្រី ជាមួយប្អូនស្រីមេដឹកនាំកំពូលកូរ៉េខាងជើង

កូរ៉េ: ប្រធានាធិបតីកូរ៉េខាងត្បូង លោក មូន ជែអ៊ីន បានអង្គុយនៅជិតប្អូនស្រីមេដឹកនាំកំពូលកូរ៉េខាងជើង លោក គីម ជុងអ៊ុន ក្នុងអំទ្បុងពិធីប្រគំតន្ត្រីមួយ នៅទីក្រុងសេអ៊ូល សម្ដែងដោយពួកតន្ត្រីករមកពីទីក្រុងព្យុងយ៉ាង ខណ:ក្រុមអ្នកតវ៉ា បានដុតទង់ជាតិរបស់កូរ៉េខាងជើង នៅឯខាងក្រៅកាលពីថ្ងៃអាទិត្យ។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១២ ខែកុម្ភ: ឆ្នាំ២០១៨។

នេះជាការសម្ដែងចុងក្រោយ សម្រាប់ទស្សនកិច្ចផ្លូវការរបស់គណ:ប្រតិភូកូរ៉េខាងជើង ដើម្បីផ្សាភ្ជាប់ទំនាក់ទំនងផ្នែកការទូតប្រទេសទាំងពីរ នៅក្នុងព្រឹត្តិការណ៍ប្រកួតកីឡាអូឡាំពិក មុននឹងពួកគេត្រូវត្រឡប់ទៅកាន់កូរ៉េខាងជើងវិញ។

លោកស្រី គីម និងមន្ត្រីជាន់ខ្ពស់កូរ៉េខាងជើង លោក Kim Yo Jong កាលពីថ្ងៃសៅរ៍ បានអញ្ជើញលោក មូន ទៅធ្វើកិច្ចប្រជុំកំពូលមួយ នៅឯកូរ៉េខាងជើង ដែលវាជាការស្នើសុំជាប្រវត្តិសាស្រ្តដំបូង ចាប់តាំងពីសង្គ្រាមកូរ៉េកន្លងមក។

ពាក់ព័ន្ធនឹងបញ្ហានេះ លោក មូន នៅមិនទាន់តបតាមការអញ្ជើញភ្លាមៗនោះទេ ដោយគ្រាន់តែនិយាយថា លោកសង្ឃឹមថា «លក្ខខណ្ឌត្រឹមត្រូវ នឹងត្រូវបានបង្កើតឡើង ដូច្នេះវាប្រាកដជាអាចដំណើរការទៅបាន»៕