ព័ត៌មានអន្តរជាតិ

សមាជិកសភាម្នាក់ លោកស្រី Jo Cox ត្រូវស្លាប់ ក្រោយការវាយប្រហារបាញ់ និងចាក់ ដ៏គួរឲ្យរន្ធត់!

អង់គ្លេស: បើតាមប៉ូលិស បាននិយាយថា សមាជិកសភាម្នាក់ លោកស្រី Jo Cox ត្រូវបានសម្លាប់ បន្ទាប់ពីការវាយប្រហារបាញ់ និងចាក់ដ៏គួរឲ្យរន្ធត់ នៅលើផ្លូវទៅមណ្ឌលបោះឆ្នោតរបស់នាង ក្នុងតំបន់ West Yorkshire ចក្រភពអង់គ្លេស។ នេះបើយោងតាមរយ: សារព័ត៌មាន Sky News ចេញផ្សាយនៅថ្ងៃទី១៧ ខែមិថុនា ឆ្នាំ២០១៦។

លោកស្រី Jo Cox អាយុ ៤១ ឆ្នាំ មានកូនស្រីពីរនាក់ អាយុពីរឆ្នាំ និងម្នាក់ទៀត អាយុ ៥ឆ្នាំ បានដេកស្លាប់ក្នុងថ្លុកឈាម ក្នុងភូមិ Birstall ក្បែរទីក្រុង Leeds ។

សាក្សីម្នាក់ បាននិយាយថា នាងត្រូវបានគេទាត់ផងដែរ អំឡុងពេលការវាយ ប្រហារនេះ ស្របពេលដែលអ្នកផ្សេង ត្រូវគេបាញ់ចំនួន ៣គ្រាប់ រួមទាំង ម្នាក់ទៀត ត្រូវចាប់មួលកបំបាក់។

បុរសម្នាក់អាយុ ៥២ ឆ្នាំ ត្រូវបានចាប់ខ្លួន គាត់ឈ្មោះ Tommy Mair ហើយខណ:នេះ ប៉ូលិសបាននិយាយថាពួកគេ កំពុងតែស្វែងរកចាប់ខ្លួន អ្នកផ្សេងទៀត៕

មតិយោបល់