Post News Media ព័ត៌មានអន្តរជាតិ អាមេរិក លើកទ្...

អាមេរិក លើកទ្បើងពីភ័ស្តុតាងថា នឹងមានការប្រើអាវុធគីមី វាយប្រហារនៅស៊ីរី

អាមេរិក: ប្រេសិតអាមេរិកថ្មីប្រចាំនៅប្រទេសស៊ីរី បាននិយាយថា មានភ័ស្តុតាងជាច្រើន ដែលអាចអះអាងថា កងកម្លាំងរដ្ឋាភិបាលស៊ីរី កំពុងរៀបចំប្រើប្រាស់អាវុធគីមី ដើម្បីវាយលុកនៅខេត្ត Idlib។ នេះបើយោងតាមសារព័ត៌មាន BBC ចេញផ្សាយនៅថ្ងៃទី៧ ខែកញ្ញា ឆ្នាំ២០១៨។

ដោយលោក Jim Jeffrey បាននិយាយថា ការវាយលុកប្រឆាំងរបស់រដ្ឋាភិបាល នៅតំបន់ដែលកាន់កាប់ ដោយឧទ្ទាមដ៏សំខាន់ចុងក្រោយ នៅក្នុងខេត្ត Idlib នឹងអាចក្លាយជាសកម្មភាពមិនប្រក្រតី»។

ខណ:ការលើកទ្បើងនេះ ត្រូវបានខាងរដ្ឋាភិបាលស៊ីរី ធ្វើការបដិសេធម្តងហើយម្តងទៀត ជុំវិញការរៀបចំគម្រោងវាយប្រហារ ដោយប្រើអាវុធគីមីនា ពេលខាងមុខ។

យន្តហោះចម្បាំងរុស្ស៊ី បានបំផ្ទុះគ្រាប់បែកលើតំបន់ពួកឧទ្ទាម នៅភាគពាយ័ព្យប្រទេសស៊ីរី ដោយមានការចូលរួមពីកងទ័ពដ៏ច្រើន សម្រាប់ការវាយលុកនោះ។

ដោយវាបានកើតឡើង ខណ:កិច្ចប្រជុំកំពូលមួយ នឹងត្រូវប្រព្រឹត្តទៅនៅអ៊ីរ៉ង់ នាថ្ងៃសុក្រនេះ រវាងមេដឹកនាំរុស្ស៊ី និងអ៊ីរ៉ង់ ដែលប្រទេសទាំងពីរនេះ នឹងធ្វើការគាំទ្រដល់ប្រធានាធិបតីស៊ីរីលោក Bashar al-Assad ។

អង្គការសហប្រជាជាតិ បានព្រមានពីគ្រោះមហន្តរាយមនុស្សធម៌ ប្រសិនបើការវាយប្រហារនោះ បានកើតឡើង ខណ:ដែលប្រទេសតួកគី កំពុងមានការបារម្ភអំពីការហូរចូលជនភៀសខ្លួនថ្មីៗ ឆ្លងកាត់តំបន់ព្រំដែនរបស់ខ្លួន៕