Post News Media ព័ត៌មានអន្តរជាតិ កិច្ចប្រឹងប្រ...

កិច្ចប្រឹងប្រែងជួយសង្គ្រោះនៅហ្វីលីពីន នៅតែបន្តដំណើរការ ខណ:មនុស្សជាច្រើននាក់ កំពុងបាត់ខ្លួន និងចំនួនអ្នកស្លាប់កើនឡើង

ហ្វីលីពីន: ប្រតិបត្តិការជួយសង្គ្រោះ កំពុងដំណើរការនៅភាគខាងជើងប្រទេសហ្វីលីពីន ចំពេលដែលអាជ្ញាធរ បានឲ្យដឹងថា ចំនួនអ្នកស្លាប់ដោយសារព្យុះ MangKhut បានកើនទ្បើងរហូតដល់ ៦៥ នាក់ហើយ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី១៧ ខែកញ្ញា ឆ្នាំ២០១៨។

ប៉ូលិសហ្វីលីពីន បាននិយាយថា គិតមកដល់ថ្ងៃច័ន្ទមានមនុស្ស ៤៣ នាក់ កំពុងបាត់ខ្លួន ខណ:ដែល ៦៤ នាក់ទៀត បានរងរបួស ដោយសារព្យុះដ៏ខ្លាំងក្លា បានបក់បោកនៅក្នុងប្រទេសនាឆ្នាំនេះ។

អ្វីដែលគួរ​ឲ្យកត់​សម្គាល់នោះ គឺក្រុមអាជ្ញាធរ​កំពុងមានការព្រួយបារម្ភ អំពី​ចំនួនអ្នកស្លាប់ថា អាច​នឹងកើនឡើងច្រើងជាង ១០០នាក់ បន្ទាប់ពីការបាត់ខ្លួន ដោយសារព្យុះបោកបក់ បង្កឲ្យមានការបាក់ដី និងទឹកជំនន់តំបន់មួយចំនួន៕

Loading...