Post News Media ព័ត៌មានអន្តរជាតិ ​រដ្ឋាភិបាល​អ...

​រដ្ឋាភិបាល​អាមេរិក ​នៅ​តែ​​បន្ត​បិទទ្វារ ដោយមិន​​ដឹង​ថា ពេល​ណា​ត្រលប់ដូចដើមវិញទេ ខណ:លោក ត្រាំ ប្រកាន់ជំហរដាច់អហង្ការ

អាមេរិក: រដ្ឋាភិបាល​អាមេរិក​ នៅ​តែ​បិទ​ទ្វារ ដែល​អាច​ជា​ច្រើន​ថ្ងៃ ឬ​ជា​ច្រើន​សប្ដាហ៍​ក៏​ថា​បាន ដោយសារតែ​​ប្រធានាធិបតីលលោក ដូណាល់ ត្រាំ នៅតែ​ប្រកាន់​ជំហរ​ដាច់អហង្ការ ​ដើម្បី​ទាមទារ​ថវិកា​សម្រាប់​ការ​សាងសង់​ជញ្ជាំង​ព្រំដែន​ជាប់​ប្រទេស​ម៉ិកស៊ិក ស្របពេលដែល​គណបក្ស​ប្រជាធិបតេយ្យ​នៅតែ​បន្តប្រឆាំង​ចំពោះ​រឿង​នេះ។ នេះបើយោងតាមសារព័ត៌មាន BBC ចេញផ្សាយនៅថ្ងៃទី២៥ ខែធ្នូ ឆ្នាំ២០១៨។

កាលពី​ថ្ងៃច័ន្ទ ​លោក ត្រាំ​ បាននិយាយ​ថា​ «សមាជិក​បក្សប្រជាធិបតេយ្យ​ម្នាក់ៗ ​ធាតុពិត​គាំទ្រ​យ៉ាង​ម៉ឺងម៉ាត់​ ចំពោះ​ការ​ធ្វើ​របង​ព្រំដែន ​ប៉ុន្តែ​ពួក​គេបែរជា​ប្រឆាំង ​នឹង​គំនិត​នេះ ​បន្ទាប់ពី​លោក ​បាន​ប្រែ​ក្លាយ​គំនិតនេះ ជា​ផ្នែក​មួយ​ដ៏​សំខាន់​នៃ​យុទ្ធនាការ​របស់​លោក ​សម្រាប់​ការ​ឃោសនា​បោះឆ្នោតប្រធានាធិបតី។ ​

​មេដឹក​នាំ​កំពូល​ខាង​គណបក្ស​ប្រជា​ធិបតេយ្យ​នៅ​សភា​ បាន​ស្តី​បន្ទោស​លោក ​ត្រាំ ​ចំពោះ​ការ​បិទ​រដ្ឋាភិបាល​ ដោយ​លោក​បាន​និយាយ​ថា ​ការ​សម្រេច​ចិត្ត​នា​ពេល​ថ្មីៗ​របស់​លោក ​បាន​ធ្វើ​ឲ្យ​ប្រទេស​​មាន​ភាព​វឹកវរ៕