រុស្ស៊ី: ប្រធានាធិបតីរុស្ស៊ី លោក វ្ល៉ាឌីមៀរ ពូទីន និងសមភាគីរបស់លោក គឺលោក រីស៊ីប ថាយីប អឺដូហ្គេន បាននិយាយថា ពួកគេបានពិភាក្សាគ្នា អំពីជំហានចាំបាច់ ដើម្បីឲ្យមានស្ថេរភាព នៅខេត្ត Idlib របស់ប្រទេសស៊ីរី ជាកន្លែងដែលពួកគេនឹងបន្តចូលរួមប្រយុទ្ធ ប្រឆាំងក្រុមភេរវករ។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី២៤ ខែមករា ឆ្នាំ២០១៩។

លោក អឺដូហ្គេន បានមកដល់ទីក្រុងម៉ូស្គូ កាលពីថ្ងៃពុធ ជាមួយសមាជិកគណ:រដ្ឋមន្រ្តីជាច្រើនរបស់លោក សម្រាប់ដំណើរទស្សនកិច្ចរយ:ពេលមួយថ្ងៃ។

កាលពីព្រឹកថ្ងៃពុធ ក្រសួងការបរទេសរុស្ស៊ី បាននិយាយថា ស្ថានភាពនៅក្នុងតំបន់ពេលនេះ គឺក្រុងមូស្គូ និងអង់ការ៉ា បានព្យាយាមបង្កើតតំបន់កាត់បន្ថយភាពតានតឹង បន្ទាប់ពីទីតាំងនោះ បានធ្លាក់ក្នុងភាពដុនដាប ហើយវាស្ទើរតែស្ថិតនៅក្រោមការគ្រប់គ្រងរបស់ Hay’et Tahrir al-Sham ( HTS) ជាក្រុមឧទ្ទាមមួយ ដែលមានទំនាក់ទំនងពីមុនទៅនឹងក្រុមអាល់កៃដា៕