អាមេរិក: ប្រធានាធិបតីអាមេរិក លោក ដូណាល់ ត្រាំ បាននិយាយកាលពីថ្ងៃព្រហស្បតិ៍ថា លោកបានបន្តកិច្ចពិភាក្សា ជាមួយក្រុមបះបោរតាលីបង់ នៅអំទ្បុងពេលដែលលោក បានធ្វើដំណើរទស្សនកិច្ច ដ៏ភ្ញាក់ផ្អើលមួយ ទៅកាន់ប្រទេសអាហ្គានីស្ថាន ដើម្បីអបអរសាទរថ្ងៃបុណ្យ Thanksgiving ជាមួយកងទ័ពខ្លួន។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២៩ ខែវិច្ឆិកា ឆ្នាំ២០១៩។

ក្នុងដំណើរទស្សនកិច្ចរយ:ពេលខ្លីទៅកាន់មូលដ្ឋានអាកាស Bagram នៅខាងក្រៅរដ្ឋធានី Kabul លោក ត្រាំ បានបំពេញករណីកិច្ចដល់ទាហានខ្លួន នៅតួកគី ក្នុងហាងកាហ្វេមួយកន្លែង ដែលមានទាំងការថតរូប និងថ្លែងសុន្ទរកថា បន្ទាប់ពីជួបជាមួយប្រធានាធិបតីអាហ្វហ្គានីស្ថាន លោក Ashraf Ghani ។

ដោយលោកបានប្រាប់អ្នកយកព័ត៌មានថា «ក្រុមតាលីបង់ ចង់ឲ្យមានកិច្ចព្រមព្រៀងមួយ ហើយយើងក៏កំពុងមានជំនួបជាមួយពួកគេ ដោយយើង បាននឹងកំពុងនិយាយថា កិច្ចព្រមព្រៀងនោះ វាត្រូវតែជាបទឈប់បាញ់គ្នា ….ខណ:ដែលពេលនេះ ពួកគេពិតជាចង់ឲ្យមានបទឈប់បាញ់គ្នាប្រាកដមែន» ។

សូមជំរាបថា កងទ័ពអាមេរិកប្រហែលចំនួន ១៣,០០០ នាក់ កំពុងស្ថិតនៅក្នុងប្រទេសអាហ្វហ្គានីស្ថាន រយ:ពេល ១៨ ឆ្នាំមកហើយ បន្ទាប់ពីអាមេរិក បានចូលលុកលុយដ៏គួរឲ្យភ្ញាក់ផ្អើលនៅទីនោះ កាលពីថ្ងៃទី ១១ ខែកញ្ញាឆ្នាំ ២០០១៕