ផ្ទះ ព័ត៌មានអន្តរជាតិ ក្ដៅៗ! កូរ៉េខ...

ក្ដៅៗ! កូរ៉េខាងជើង បាញ់មីស៊ីលផ្លោងចំនួន ២ គ្រាប់ ចូលសមុទ្រជប៉ុន

0

កូរ៉េ: នេះជាលើកទី ៣ ហើយ ដែលកូរ៉េខាងជើង បានបាញ់មីស៊ីលនាពេលថ្មីៗនេះ បន្ទាប់ពីការបាញ់មីស៊ីលមិនស្គាល់អត្តសញ្ញាណចំនួន ៣ គ្រាប់ ចូលសមុទ្រជប៉ុន កាលពីថ្ងៃទី ៩ ខែមីនាកន្លងទៅ។ នេះបើយោងតាមសារព័ត៌មាន Sputnik ចេញផ្សាយនៅថ្ងៃទី២១ ខែមីនា ឆ្នាំ២០២០។

ទីភ្នាក់ងារសារព័ត៌មានយ៉ុនហាប់ ដោយដកស្រង់សម្តីពីប្រធានអគ្គសេនាធិការចម្រុះកូរ៉េខាងត្បូង (JCS) បានរាយការណ៍កាលពីថ្ងៃសៅរ៍ថា កូរ៉េខាងជើង បានបាញ់មីស៊ីលផ្លោងរយ:ចម្ងាយខ្លីចំនួន ២ គ្រាប់ ឆ្ពោះទៅសមុទ្រជប៉ុន។

ដោយមីស៊ីលទាំងនោះ ត្រូវបានខាងយោធា អះអាងថា បានបាញ់ចេញពីខេត្ត North Pyongan នៃប្រទេសកូរ៉េខាងជើង ដែលវាអាចហោះបានចម្ងាយ ៤១០ គីឡូម៉ែត្រ ក្នុងរយ:កម្ពស់ ៥០ គីឡូម៉ែត្រ។

សូមជំរាបថា ការបាញ់នេះ ត្រូវបានគេកត់សម្គាល់ឃើញថា បានកើតឡើងបន្ទាប់ពីក្រុងព្យុងយ៉ាង ធ្វើសមយុទ្ធយោធាជាបន្តបន្ទាប់ ក្នុងអំទ្បុងខែនេះ៕

មតិយោបល់