Post News Media ព័ត៌មានអន្តរជាតិ មន្ត្រីប៉ូលិស...

មន្ត្រីប៉ូលិស​ជាច្រើន​បន្តជូន Vanessa Vega មករៀនក្រោយឪពុកនាង​ត្រូវបានគេបាញ់ស្លាប់

កាលីហ្វ័រញ៉ា៖ មន្ត្រីប៉ូលិសចំនួន ១២នាក់ បាន​ធ្វើការ​អមដំណើរ ក្មេងស្រី Vanessa Vega ទៅសាលារៀន នៅព្រឹកថ្ងៃច័ន្ទ នេះបន្ទាប់ពី ឪពុករបស់នាង លោក​ Jose “Gil” Vega ជាមន្ត្រីប៉ូលិស ត្រូវបានគេបាញ់សម្លាប់ក្នុង​អំឡុងបំពេញការងារ កាលពី ២សប្តាហ៍មុន។​

មន្ត្រីប៉ូលិស នៅក្រុង Palm Springs ក្នុងរដ្ឋ​កាលីហ្វ័រញ៉ា បាននិយាយថា ពួកគេ​ចង់ឲ្យ Vanessa Vega ដឹងថា ពួកគេនៅតែគាំទ្រចំពោះនាងជានិច្ច​។​

លោក William Hutchinson បាននិយាយថា វា​ជាពេលវេលាសោកនាដកម្មខ្លាំងបំផុត​សម្រាប់នាង ។
ក្រុមមន្ត្រីប៉ូលិសខាងលើ បានទៅយកក្មេងស្រី Vanessa Vega ពីផ្ទះ រួចជូននាង​មកកាន់ សាលាបឋមសិក្សា Rio Vista Elementary ដែលជា​កន្លែង​នាង​រៀនថ្នាក់ទី​៤ ។​

លោក William Hutchinson បានបន្តថា មន្ត្រីប៉ូលិស​ជាច្រើន ចង់នៅមើលថែនាង Vanessa Vega នៅសាលាតែម្តង ប៉ុន្តែនាយកដ្ឋានមានរបៀបកំណត់ ក៏ព្រោះតែ​ក្បួនរថយន្តមន្ត្រីប៉ូលិស វែង ដែលបណ្តាលឲ្យកក់ស្ទះចរាចរណ៍​។​

Vanessa Vega គឺជាកូន​ស្រីពៅ ក្នុងត្រកូល​ Vega ដោយមានបងប្អូនចំនួន ៨នាក់ ខណ:ដែលឪពុករបស់នាង ត្រូវបានគេសម្លាប់ កាលពីថ្ងៃទី​៨ ខែតុលា ឆ្នាំ​២០១៦។​
Vanessa Vega បានប្រាប់ដល់អ្នកព័ត៌មានថា ដោយសារតែយើងមើលមិនឃើញពីគាត់ មិនមែនមានន័យថា គាត់មិនអាចមើលឃើញយើងនោះទេ អ្វីៗគ្រប់យ៉ាង​ខ្ញុំបានរៀនពីឪពុករបស់ខ្ញុំ​។​ ដោយគាត់ធ្លាប់បង្រៀនខ្ញុំ ឲ្យលេង បេស្បល ការ៉ាត់តេដូ និង ការរត់ប្រណាំង​។​

ក្រុមមន្ត្រីប៉ូលិស បានបន្ថែមទៀតថា ប្រសិនបើយើង អាច​ធ្វើឲ្យក្មេងស្រីតូចនេះ មានសេចក្តីសុខ ក្នុងជីវិត យើងនឹងបន្តធ្វើវា នឹង​ជួយដល់នាង៕​
vanessa-vega
ទស្សនា​វីដេអូឃ្លិបដូចខាងក្រោមនេះ៖

ប្រភព៖ usatoday