ព័ត៌មានអន្តរជាតិ

តួកគី ជំរុញឲ្យ ដូណាល់ ត្រាំ ធ្វើបត្យាប័នលោក គូលែន ក្នុងទំព័រទំនាក់ទំនងទ្វេភាគីថ្មី

អង់ការ៉ា: នាយករដ្ឋមន្រ្តីតួកគីលោក Binali Yildirim បានជំរុញឲ្យលោក ដូណាល់ ត្រាំ ធ្វើបត្យាប័នលោក Fetullah Gulen ខណ:លោកអបអរសារទរលោក ត្រាំ ដែលបានឈ្នះក្នុងការបោះឆ្នោតជ្រើសរើសប្រធានាធិបតីសហរដ្ឋអាម៉េរិក។ នេះបើតាមផ្សាយរបស់សារព័ត៌មានតួកគី Sabah នៅថ្ងៃពុធនេះ។

ទីភ្នាក់ងារព័ត៌មានចិន ស៊ិនហួ ចេញផ្សាយនៅយប់ថ្ងៃទី០៩ ខែវិច្ឆិកា ឆ្នាំ២០១៦ បានឲ្យដឹងថា លោក Yildirim បានកត់សម្គាល់ថា ទំព័រថ្មីនឹងត្រូវបើកនៅក្នុងទំនាក់ទំនាក់រវាងអាម៉េរិក និងតួកគី ប្រសិនបើមេភេរវករនៃក្រុមគូលែន ត្រូវបានធ្វើបត្យាប័នមកប្រទេសតួកគីវិញ។

ជាមួយគ្នានោះដែរលោក Recep Tayyip Erdogan ដែលជាប្រធានាធិបតីតួកគី ក៏បានសម្តែងក្តីសង្ឃឹមថា ការជាប់ឆ្នោតរបស់លោក ដូណាល់ ត្រាំ នឹងក្លាយជាផលប្រយោជន៍ពលរដ្ឋអាម៉េរិកកាំងទាំងអស់៕

5a46081cd23839ce1bbd0fcd937e2f2e47c285fd

មតិយោបល់