ព័ត៌មានអន្តរជាតិ

ផ្ទុះការវាយប្រហារដែនអាកាសដ៏ខ្លាំង នៅទីក្រុងអាឡេប៉ូ បន្ទាប់ពីផ្អាកមួយសប្តាហ៍

ស៊ីរី: ប្រតិបត្តិការវាយប្រហារដែនអាកាសដ៏ខ្លាំង បានចាប់ផ្ដើមទ្បើង កាលពីថ្ងៃអង្គារ នៅក្នុងស្រុកមួយ ជាកន្លែងកាន់កាប់ដោយពួកឧទ្ទាម នៅភាគខាងកើតទីក្រុងអាឡេប៉ូ បន្ទាប់ពីបានផ្អាករយ:ពេលមួយសប្តាហ៍ ដោយបានសម្លាប់មនុស្សយ៉ាងហោចណាស់ ៣នាក់។ នេះបើយោងតាមរយ: សារព័ត៌មានបរទេស ចេញផ្សាយនៅថ្ងៃទី១៦ ខែវិច្ឆិកា ឆ្នាំ២០១៦។

ទូរទស្សន៍រដ្ឋស៊ីរី បានឲ្យដឹងថា រដ្ឋាភិបាលក្រុង Damascus បានប្រើប្រាស់ទ័ពអាកាស សម្រាប់ការវាយប្រហារប្រឆាំង នៅទីតាំងបន្ទាយរបស់ពួកភេរវករ ក្នុងទីក្រុងអាឡេប៉ូ ខណ:ដែលរុស្ស៊ីបាននិយាយថា ខ្លួនបានវាយប្រហារពួក ISIS និងអតីតពួកភេរវករ Nusra Front នៅតំបន់ផ្សេងទៀត ក្នុងប្រទេសស៊ីរី ដោយមិនផ្ដោតតែនៅទីក្រុងអាឡេប៉ូនោះទេ។

ទីភ្នាក់ងារ Interfax រាយការណ៍ថា ក្រសួងការពារជាតិរុស្ស៊ី បាននិយាយថា ការវាយប្រហារដែនអាកាស ដោយកាំជ្រួចមីស៊ីលរុស្ស៊ី មិនបានវាយប្រហារលើទីក្រុងអាឡេប៉ូរបស់ស៊ីរីនោះទេ៕

_74590478_00e0aa73-8303-4224-89de-0029b5e5eae1

syria

មតិយោបល់