ព័ត៌មានអន្តរជាតិ

ការិយាល័យប្រធានាធិបតីកូរ៉េខាងត្បូង សោកស្តាយចំពោះលទ្ធផលស៊ើបអង្កេតរបស់ព្រះរាជអាជ្ញា

សេអ៊ូល: ការិយាល័យរបស់ប្រធានាធិបតីកូរ៉េខាងត្បូង លោកស្រី ផាក គឿនហេ បានសម្តែងការសោកស្តាយជាខ្លាំង ជុំវិញលទ្ធផលបណ្តោះអាសន្ននៃការស៊ើបអង្កេតរបស់ព្រះរាជអាជ្ញាដែលបានសង្ស័យថាលោកស្រី ផាក បានឃុតឃិតជាមួយមនុស្សជំនិត និងជំនួយការលោកស្រីជាយូរឆ្នាំណាស់មកហើយ។

ទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី២០ ខែវិច្ឆិកា ឆ្នាំ២០១៦ បានឲ្យដឹងដោយផ្អែកតាមការលើកឡើងរបស់អ្នកនាំពាក្យប្រធានាធិបតីគឺលោក Jung Youn-kuk នៅក្នុងសន្និសីទសារព័ត៌មានថា លោកមានការសោកស្តាយជាខ្លាំងចំពោះការប្រកាសរបស់ការិយាល័យព្រះរាជអាជ្ញា ហើយថា ព្រះរាជអាជ្ញាបានចាត់ទុកលោកស្រី ផាក ថាបានប្រព្រឹត្តឧក្រិដ្ឋកម្មជាច្រើន។

អ្នកនាំពាក្យរូបនេះបន្ថែមថា លោកស្រីប្រធានាធិបតី ផាក គឿនហេ នឹងបង្ហាញថាលោកស្រីគ្មានទោស ដោយការធ្វើកិច្ចសហការយ៉ាងសកម្មពាក់ព័ន្ធនឹងការស៊ើបអង្កេត ដោយក្រុមព្រះរាជអាជ្ញាពិសេស៕

aen20161103001454315_02_i

មតិយោបល់