ដោយសារតែសម្រស់ស្រស់ស្អាតរបស់ Jiratchaya Sirimongkolnawin បានធ្វើឲ្យនាងឈ្នះពានរង្វាន់បវរកញ្ញាអន្តរជាតិប្តូរភេទ។
នៅទីបំផុតគេបានស្វែងរកឃើញអ្នកឈ្នះពានរង្វាន់បវរកញ្ញាប្តូរភេទ ក្នុងឆ្នាំ២០១៦ និងជាពានមានមោទនភាពបំផុត បន្ទាប់ពីកម្មវិធីប្រឡងបវរកញ្ញាលំដាប់ថ្នាក់ពិភពលោកនេះ ត្រូវបានព្យួរទុក ក្រោយពីម្ចាស់ផ្ទះថៃ បានកាន់ទុកចំពោះការសោយទីវង្គត់របស់ស្តេចខ្លួន។
លទ្ធផលជាផ្លូវការសម្រាប់បវរកញ្ញាប្តូរភេទគឺ បានទៅលើម្ចាស់ផ្ទះថៃ គឺនាង Jiratchaya Sirimongkolnawin ដែលព្រឹត្តិការណ៍នេះបានបញ្ចប់នៅ Pattya City កាលពីរាត្រីថ្ងៃសុក្រ សប្តាហ៍នេះ។
ដោយឡែកប្រទេស២ទៀតដែលអាចគ្រងតំណែបវរកញ្ញាប្តូរភេទ គឺមានប្រេស៊ីល តំណាងដោយនាង Nathalie Oliveira ជាប់លេខ២ និង នាង Andrea Collazo តំណាងប្រទេសវេណេហ្សូអេឡា ស្ថិតក្នុងចំណាត់ថ្នាក់ទី៣។
សូមរំឭកផងដែរថា កម្មវិធីខាងលើនេះ បានរៀបចំធ្វើឡើងតាំងពីខែ វិច្ឆិកា ឆ្នាំ តែដោយសារតែស្តេចថៃសុគតកាលពីខែតុលា អ៊ីចឹងហើយ ក៏សម្រេចចិត្តលើកពេលប្រកួត។
បវរកញ្ញាប្តូរភេទរបស់ថៃ នាង Jiratchaya Sirimongkolnawin អាយុ ២០ឆ្នាំ ជានិស្សិតបញ្ចប់ការសិក្សាផ្នែកជំនាញធ្មេញ នៅសាកលវិទ្យាល័យSrinakharinwirot University ហើយបច្ចុប្បន្នធ្វើការជាអ្នកដើរម៉ូដ និង រចនា៕
មតិយោបល់