ម៉ាទ្បេស៊ី: តាមរបាយការណ៍ បានឲ្យដឹងថា ប៉ូលិសម៉ាឡេស៊ី បានចេញដីកាចាប់ខ្លួនបុគ្គលិកក្រុមហ៊ុនអាកាសចរណ៍ របស់កូរ៉េខាងជើង Air Koryo ម្នាក់ ជាប់ទាក់ទងនឹងឃាតកម្មសម្លាប់លោក គីម ជុងណាម ដែលត្រូវជាបងប្រុសម្ដាយទីទៃរបស់មេដឹកនាំក្រុងព្យុងយ៉ាង គឺលោក គីម ជុងអ៊ុន។ នេះបើយោងតាមរយ: សារព័ត៌មាន Channel News Asia ចេញផ្សាយនៅថ្ងៃទី៣ ខែមិនា ឆ្នាំ២០១៧។
ជនសង្ស័យឈ្មោះ Kim Uk Il អាយុ ៣៧ ឆ្នាំ ត្រូវបានចាប់ខ្លួន ដើម្បីយកមកសាកសួរ ដោយ អគ្គអធិការប៉ូលិសលោក Khalid Abu Bakar បានឲ្យដឹងនៅក្នុងសារកម្មវិធី WhatsApp មកកាន់បណ្ដាញព័ត៌មានម៉ាទ្បេស៊ី Bernama នៅថ្ងៃសុក្រនេះ ។
លោកបានបន្ថែមទៀតថា ប៉ូលិសបានផ្ញើលិខិតមួយច្បាប់ តាមរយ:ក្រសួងការបរទេស ដើម្បីស្នើសុំកិច្ចសហប្រតិបត្តិការពីលោក Hyon Kwang Song ជាលេខាធិការទី២ នៅស្ថានទូតកូរ៉េខាងជើងប្រចាំទីក្រុងគូឡាឡាំពួរ។
អាជ្ញាធរម៉ាឡេស៊ី យល់ឃើញថា លោក Hyon បានជួយបញ្ជូនជនសង្ស័យកូរ៉េខាងជើង ០៤នាក់ តាមអាកាសយានដ្ឋានអន្តរជាតិគូឡាឡាំពួរ កាលពីថ្ងៃទី១៣ ខែកុម្ភ: ជាមួយនឹងបុគ្គលិកក្រុមហ៊ុន អាកាសចរណ៍ប្រុសម្នាក់ ជាជនជាតិកូរ៉េខាងជើង ដែលគេជឿថា លោក គីម ជុងណាំ ត្រូវបានគេលួចធ្វើឃាត ដោយជនសង្ស័យទាំង ០៤នាក់នោះ ទំនងជាអ្នករៀបចំគម្រោងការធ្វើឃាតនេះ៕
មតិយោបល់