ព្រះវិហារ: យោងតាមសេចក្តីជូនដំណឹង របស់ក្រសួងធនធានទឹក និងឧតុនិយម បានឲ្យដឹងថា មានមនុស្សម្នាក់បានស្លាប់និង៣នាក់រងរបួស រួមនឹងបណ្តាលឲ្យផ្ទះ ចំនួន១៤ខ្នង ដួលរលំរាបដល់ដី, អគាវិទ្យាល័យ១ខ្នង និងផ្ទះ៨០ ខ្នងផ្សេងទៀត របើកដំបូល ដោយសារភ្លៀងកក់ខែធ្លាក់លាយឡំជាមួយនឹងខ្យល់កន្ត្រាក់ នាល្ងាចថ្ងៃទី២៣ ខែមេសា ឆ្នាំ២០១៧ ក្នុងភូមិសាស្ត្រឃុំកន្តួត ស្រុកជាំក្សាន្ត ខេត្តព្រះវិហារ។

យោងតាមការព្យាករណ៍របស់ក្រសួងធនធានទឹក និងឧតុនិយម សូមបងប្អូនប្រជាពលរដ្ឋ បង្កើនការយកចិត្តទុកដាក់ប្រុងប្រយ័ត្នខ្ពស់ចំពោះបាតុភូតផ្គរ រន្ទះ និងខ្យល់កន្ត្រាក់ ពិសេសចាប់ពីថ្ងៃទី ២៣ ដល់ថ្ងៃទី ២៩ ខែមេសា ឆ្នាំ ២០១៧ នេះទាំងអស់គ្នា៕