Post News Media ព័ត៌មានជាតិ ឃាត់ខ្លួនយុវជ...

ឃាត់ខ្លួនយុវជនម្នាក់ ជាមួយថ្នាំញៀន០១កញ្ចប់

ក្រចេះ: កម្លាំងអាវុធហត្ថខេត្តក្រចេះ និងមានការសម្របសម្រួលនីតិវីធី ព្រះរាជអាជ្ញារងអមសាលាដំបូងខេត្តក្រចេះ បានចុះបង្ក្រាបការជួញដូរ និងប្រើប្រាស់នូវសារធាតុញៀន០១លើក កា​លពី​វេលាម៉ោង៥និង៣០នាទី ថ្ងៃ២៦ ខែឧសភា ឆ្នាំ២០១៦ ស្ថិតនៅចំណុច ភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ។

ប្រភព​ឲ្យដឹងថា ជនសង្ស័យដែល​ត្រូវ​ឃាត់​មានឈ្មោះ​ សុទ្ធ ចន្ទ្រា ភេទប្រុស អាយុ ២៧ឆ្នាំ មុខរបរ កម្មករ ជនជាតិខ្មែរ មានទីលំនៅ ភូមិផ្សារវែង សង្កាត់ក្រចេះ ក្រុងក្រចេះ ខេត្តក្រចេះ។

ប្រតិបត្តិការខាងលើនេះ កម្លាំង​អាវុធហត្ថ​ដកហូត​វត្ថុតាង​រួមមាន៖ ០១.ម្សៅក្រាម ពណ៌ស ០១កញ្ចប់តូច ០២.ម៉ូតូ ០១គ្រឿង ៣.ទូរស័ព្ទចំនួន០១គ្រឿង។

បច្ចុប្បន្ន ជនសង្ស័យ និងវត្ថុតាងខាងលើត្រូវមន្ទីរយុត្តិធម៌ អាវុធហត្ថខេត្តក្រចេះ កំពុងកសាងសំណុំរឿង ដើម្បីចាត់ការបន្តតាមនីតិវិធី៕

photo_2016-05-27_12-27-32

photo_2016-05-27_12-27-34