​ព្រះសីហនុ: ហេតុការណ៍ភ្ញាក់ផ្អើលមួយបានកើតឡើង បន្ទាប់ប្រទះឃើញក្មេងស្រីម្នាក់ លង់ទឹកស្លាប់នៅប្រឡាយទឹកខាងក្រោយផ្ទះ។

ករណីនេះកើតឡើងនៅវេលាម៉ោង១១ និង៤៥នាទីថ្ងៃត្រង់ ទី៩ ខែវិច្ឆិកា ឆ្នាំ ២០១៧ នៅក្រុមទី១០ ភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ។

សាកសពក្មេងស្រីមានឈ្មោះ សុខ ស្រីណេ អាយុ៦ឆ្នាំ ជាសិស្សសាលាមតេយ្យ រស់នៅកន្លែងកើតហេតុខាងលើ បានចុះលេងទឹកខាងក្រោយផ្ទះជាមួយក្មេងៗក្នុងភូមិប្រហែល៣ទៅ៤នាក់ទៀត រួចក៏រអិលជើងធ្លាក់ចូលទៅអន្លង់ទឹកជ្រៅ ខណ:ដែលឪពុកម្តាយមិននៅផ្ទះ ភ្លាមៗនោះអ្នកជិតខាង បានព្យាយាមជួយសង្គ្រោះដែរ ប៉ុន្តែដោយសារតែក្មេងស្រីរងគ្រោះស្លាប់បាត់ទៅហើយ។

ចំណែកសាកសព ត្រូវបានសមត្ថកិច្ចប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕