Post News Media ព័ត៌មានជាតិ អាសូរណាស់! បុ...

អាសូរណាស់! បុរសម្នាក់ ត្រូវដីបាក់សង្កត់ស្លាប់ភ្លាមៗ នៅក្រចេះ

ក្រចេះ: កាលពីវេលាម៉ោង ១ និង៥៥ នាទីរសៀលថ្ងៃទី១៤ ខែមករា ឆ្នាំ២០១៨ មានករណីបាក់ដីសង្កត់មនុស្សស្លាប់ម្នាក់ នៅចំណុចមុខមន្ទីរធនធានទឹក ភូមិក្រចេះ​ សង្កាត់ក្រចេះ ខេត្តក្រចេះ។

ជនរងគ្រោះ ឈ្មោះ អួន អាន ភេទ ប្រុស អាយុ៥៣ឆ្នាំ​ ជនជាតិខ្មែរ មានទី លំនៅភូមិផ្សារវ៉ាង ឃុំស្វាយជ្រុំ​ ស្រុកមេសាង ខេត្តព្រៃវែង។

តាមសមត្ថកិច្ច បានឲ្យដឹងថា ខណ:ជនរងគ្រោះ កំពុងតែជីកដី នៅ ក្នុងរណ្តៅបានប្រហែលជម្រៅ ១ ម៉ែត្រ ដើម្បីបង្កប់ខ្សែភ្លើង ពេលនោះស្រាប់ តែបាក់ដីសង្កត់លើ បណ្តាលឲ្យស្លាប់ភ្លាមៗ នៅកន្លែងកើតហេតុតែម្តង។

បច្ចុប្បន្នសពជនរងគ្រោះ ត្រូវបានសមត្ថកិច្ចប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃណី៕