Post News Media ព័ត៌មានជាតិ ភ្លៀង១មេធំវាយ...

ភ្លៀង១មេធំវាយប្រហារផ្ទះ២០ខ្នង របួសមនុស្ស៣នាក់

រតនគិរី: មន្ត្រីនគរបាលខេត្តរតនគិរីបានប្រាប់ Post News ថា នារសៀលថ្ងៃទី២០ ខែមិថុនា ឆ្នាំ២០១៦ នេះ មានភ្លៀងធ្លាក់មួយមេធំ លាយឡំនិងខ្យល់កន្ត្រាក់បានវាយប្រហារផ្ទះសម្បែងរបស់ប្រជាពលរដ្ឋស្ថិតនៅភូមិជ្រុង ឃុំកិ:ចុងអស់ចំនួន២០ខ្នង ដោយផ្ទះចំនួន២ខ្នងបានដួលរំលំ និងបណ្ដាលឲ្យមនុស្សចំនួន៣នាក់បានរងរបួសធ្ងន់។ ដោយឡែកសាលាបឋមសិក្សានៅភូមិជ្រុងចំនួន១៦ខ្នង ត្រូវរបើកដំបូលជ្រុះក្បឿងបង្កឲ្យសិស្សឲ្យរងរបួស។ បច្ចុប្បន្នជនរងគ្រោះត្រូវបានដឹកបញ្ជូនទៅសង្គ្រោះនៅមន្ទីរពេទ្យបង្អែកស្រុកបរកែវ។

យោងតាមសេចក្តីរាយការណ៍ខាងលើនេះ លោក ថង សាវុន អភិបាលខេត្តរតនគិរី បានចាត់ឲ្យអាជ្ញាធរមូលដ្ឋានចុះជួយសង្គ្រោះនាថ្ងៃស្អែក ដោយមានអាជ្ញាធរខេត្ត និងសប្បុរសជន ចុះជួយរំលែកទុក្ខ និងនាំយកអំណោយចែកជូនដល់ប្រជាពលរដ្ឋ ដែលរងគ្រោះធម្មជាតិទាំងនោះ។

ទាំងនេះសបញ្ជាក់ឲ្យឃើញថា លោក ថង សាវុន អភិបាលខេត្តរតនគិរី និងមន្ត្រីមូលដ្ឋាន តែងតែយកចិត្តដាក់ចំពោះប្រជាពលរដ្ឋ ដែលរងគ្រោះដោយសារគ្រោះធម្មជាតិ ក៏ដូចជាប្រជាពលរដ្ឋទាំងមូលក្នុងខេត្តរតនគិរីផងដែរ៕

Loading...