Post News Media ព័ត៌មានជាតិ Update៖ សូមចូ...

Update៖ សូមចូលរួមរំលែកទុក្ខ និងសោកស្តាយចំពោះមន្ត្រីធ្វើការនៅមន្ទីរផែនការខេត្តព្រះសីហនុ ទាំង២នាក់ផង

ព្រះសីហនុ: សូមចូលរួមរំលែកទុក្ខ និងសោកស្តាយចំពោះជនរងគ្រោះស្ត្រីវ័យក្មេងទាំង២នាក់ ភាគីខាងម៉ូតូ ដែលជួបគ្រោះថ្នាក់ចរាចរណ៍រវាងរថយន្តនិងម៉ូតូនៅកែងផ្លូវជិតមីហិរ ក្នុងសង្កាត់លេខ២ ក្រុងព្រះសីហនុ។

ករណីនេះកើតឡើងកាលពីម៉ោងជិត៨យប់ ថ្ងៃ៨ ខែកក្កដា ឆ្នាំ២០១៨ ហើយបានទទួលមរណភាពទាំង២នាក់ ហើយក្នុងពេលដែលក្រុមគ្រួសារព្យាយាមជួយសង្គ្រោះបញ្ជូនចេញពីក្រុងព្រះសីហនុ យកទៅព្យាបាលបន្ត ប៉ុន្តែអាការ:របួសធ្ងន់ធ្ងរពេកមិនអាចជួយសង្គ្រោះបានឡើយ។

ជនរងគ្រោះទី១ឈ្មោះ ស៊ន គន្ធី អាយុ២៣ឆ្នាំ ហើយជនរងគ្រោះទី២ឈ្មោះ កែវ ណាលីន អាយុ២៣ឆ្នាំ ។ អ្នកទាំង២ មានស្រុកកំណើតក្នុងខេត្តកំពត និងជាមន្ត្រីធ្វើការនៅមន្ទីរផែនការខេត្តព្រះសីហនុ។

សូមបញ្ជាក់ថា ករណីគ្រោះថ្នាក់ចរាចរណ៍នេះ បង្កដោយ​ រថយន្ត​១គ្រឿង​ម៉ាក​ COROLLA ពណ៌​ ទឹកមាស​ ពាក់ស្លាកលេខ​ ភ្នំពេញ ​2V-1280 បើកបរ​ដោយ​ឈ្មោះ​ កែវ​ វាសនា​ ភេទ​ប្រុស​ អាយុ​៣៤ឆ្នាំ​ មុខរបរ​លក់​ដូរ​ មានទីលំនៅ​ភូមិ​៣​ សង្កាត់​លេខ​៣​ ក្រុង​/ខេត្ត​ព្រះសីហនុ​ មានទិសដៅ​ពី​ មហោស្រព​ចាស់​ ឆ្ពោះទៅ​ ផ្លូវ​កោះ​ទន្សាយ លុះដល់ចំណុចខាងលើ​ក៏​បាន​បុក​ពីខាង​ក្រោយ​ម៉ូតូ​១គ្រឿង​ ម៉ាក​ HONDA WAVE ពណ៌ ខ្មៅ​ ពាក់ស្លាកលេខ ​ព្រះសីហនុ​ 1F-2051 បើកបរ​ដោយ​ឈ្មោះ​ កៅ​ ណាលីន​ ភេទ​ ស្រី​ អាយុ​ ២៣ឆ្នាំ​ មុខរបរ​ មន្ត្រី​មន្ទីរ​ផែនការ​ មានទីលំនៅ​ភូមិ​២​ សង្កាត់​លេខ​២​ ក្រុង​/ខេត្ត​ព្រះសីហនុ​ មានអ្នករួមដំណើរ​ម្នាក់​ឈ្មោះ ​ស៊ន គន្ធី ភេទ​ស្រី​ អាយុ​២៣ឆ្នាំ​ មានទីលំនៅ​ដូច​គ្នាដែលបើកបរមានទិសដៅ​ស្របគ្នា​។
ភ្លាមៗភាគីខាងម៉ូតូរបួសធ្ងន់ធ្ងរ និងក្រោយមកបានស្លាប់ពេលបញ្ជូនទៅមន្ទីរពេទ្យ។

ចំណែក​អ្នកបើកបរ​រថយន្ត ត្រូវបាន​នគរបាលបាន​នាំ​ខ្លួន​មក​កាន់​ការិយាល័យ​នគរបាល​ចរាចរណ៍​ផ្លូវ​គោក​ ដើម្បី​​បន្តនិតិវិធីតាមផ្លូវច្បាប់ ដោយនាំយកវត្ថុ​តាង​រថយន្ត​ និង​ ម៉ូតូ​ ​មក​រក្សាទុក​នៅ​ការិយាល័យ​នគរបាល​ចរាចរណ៍​ផ្លូវ​គោក​ផងដែរ៕