បន្ទាយមានជ័យ: យោងតាមផេក អគ្គនាយកដ្ឋានកាំកុងត្រូល បានឲ្យដឹងថា នៅថ្ងៃទី១៩ ខែកក្កដា ឆ្នាំ២០១៨ សាខាកាំកុងត្រូលខេត្តបន្ទាយមានជ័យ បានចុះត្រួតពិនិត្យគុណភាព សុវត្ថិភាពម្ហូបអាហារនៅផ្សារ ហ៊ុយ ឡេងស្រុកភ្នំស្រុក ខេត្តបន្ទាយមានជ័យ ដោយមានការចូលរួមពីមន្រ្តីមន្ទីរពាណិជ្ជកម្មខេត្ត រួមទាំងអភិបាលស្រុកភ្នំស្រុក និងវត្តមានម្ចាស់ផ្សារផងដែរ។
ការចុះត្រួតពិនិត្យបានរកឃើញ និងធ្វើការដកហូតទំនិញហួសកាលបរិច្ឆេទ និងខូចគុណភាព រួមមាន ៖ មីកំប៉ុង ពោតកំប៉ុង ម្សៅស៊ុប កាហ្វេ ទឹកដោះគោ ទឹកក្រូច ស្ករគ្រាប់ ដំណាប់កន្ទួត កម្ទេចមី សរុបប្រមាណ ១១៦គីឡូក្រាម៕
មតិយោបល់