បន្ទាយមានជ័យៈ យោងតាមផេកអគ្គនាយកដ្ឋានកាំកុងត្រូល បានឲ្យដឹងថា នៅថ្ងៃសៅរ៍ ១៣ កើត ខែជេស្ឋ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១៥ ខែមិថុនា គ.ស២០១៩ សាខាកាំកុងត្រូលខេត្តបន្ទាយមានជ័យ បានសហការជាមួយមន្ទីរពាណិជ្ជកម្មខេត្ត ព្រមទាំងមានការចូលរួមពីប្រធានផ្សារ បានចុះត្រួតពិនិត្យគុណភាព សុវត្ថិភាពម្ហូបអាហារ នៅផ្សារចក្រី ភូមិចក្រី ឃុំជប់វារី ស្រុកព្រះនេត្រព្រះ ខេត្តបន្តាយមានជ័យ។

ក្នុងសកម្មភាពនេះ ក្រុមការងារបានធ្វើតេស្តបឋមលើគំរូមួយចំនួនដូចជា៖ ទំពាំងជ្រក់ ក្បាលត្រីរ៉ស់ និងរីកញ្ចុះប្រលាក់។
ជាលទ្ធផលក្រុមការងារ មិនបានរកឃើញសារធាតុគីមីហាមឃាត់ឡើយ។ ហើយក្រុមកាងារ ក៏បានធ្វើការដកហូតទំនិញហួសកាលបរិច្ឆេទ និងខូចគុណភាពមួយចំនួនដូចជា៖
១ ទឹកក្រូច ៦ ដប
២ ទឹកផ្លែឈើ ៤ ដប
៣ នំដង្កូវ ២ គីឡូក្រាម៕