សៀមរាបៈ កាលវេលាម៉ោង៣និង២០នាទីថ្ងៃទី១៦ ខែសីហា ឆ្នាំ២០១៩ មានករណី មនុស្ស០២នាក់ ជិះទូកស្មាច់ចេញពីកំពង់លក់ត្រី នៅក្នុងភូមិទី ៦ សង្កាត់ចុងឃ្នៀស ក្រុងសៀមរាប ឆ្លងទន្លេរសាប សំដៅត្រឡប់ទៅផ្ទះរបស់ពួកគាត់វិញ ដែលនៅឯ ភូមិផាប់សណ្តោង ឃុំរាំងទិល ស្រុក កណ្តៀង ខេត្តពោធិសាត់ ពេលធ្វើដំណើរទៅដល់ចំណុច បង្គោលឡូរត៍ លេខ៤ ស្ថិតនៅក្នុងភូមិសាស្រ្ត សង្កាត់ចុងឃ្នៀស ក្រុងសៀមរាប ក៏មានភ្លៀងលាយខ្យល់កន្រ្តាក់ បណ្តាលអោយទូកលិច ។

បន្ទាប់ពីទទួលបានសេចក្តីរាយការណ៍ កំលាំងនគរបាលក្រុងសៀមរាប និងកំលាំងប្រជាការពារ នៃគណៈបញ្ជាការឯកភាពក្រុងសៀមរាប ចេញជួយសង្រ្គោះ នឹងនាំមក មណ្ឌលសុខភាពសង្កាត់ចុងឃ្នៀសវិញ ដោយសុវត្ថិភាព ។

-ជនរងគ្រោះទី១ /ឈ្មោះ ជា ប៊ុនសេង ភេទប្រុស អាយុ៣៥ឆ្នាំ មានទីលំនៅភូមិ ផាប់សណ្តោង ឃុំ រាំងទិល ស្រុក កណ្តៀង ខេត្ត ពោធិសាត់។

-ជនរងគ្រោះទី១/ឈ្មោះ សុខ ថាវ ភេទប្រុស អាយុ៣០ឆ្នាំ ( មានទីលំនៅដូចគ្នា)។

ចំណែកទូកដែលលិចនោះមិនទាន់ត្រូវបាន រកឃើញនៅឡើយទេ ដោយសារស្ថានភាពយប់ងងឹត៕