ភ្នំពេញៈ ក្រោយពីសាកសួរដេញដោលអស់ពេញមួយព្រឹកថ្ងៃទី២១ ខែកក្កដា ឆ្នាំ២០១៦នេះ លោក សឹង វិសាល ចៅក្រមសាលាឧទ្ធរណ៍បានប្រកាសសាលដីការក្សាទុកសេចក្តីសម្រេចរបស់ចៅក្រមសាលាដំបូងទុកជាបានការចំពោះសំណុំរឿង ញុះញង់ឱ្យមានបដិវត្តន៍ពណ៌ ដែលមានជនជាប់ចោទឈ្មោះ គង់ រ៉ៃយ៉ា។
ជនជាប់ចោទឈ្យុវជន គង់ រ៉ៃយ៉ា ភេទប្រុស មុខរបរជានិស្សិត នៃសាកលវិទ្យាល័យខេមរៈ បានប្រាប់អ្នកសារព័ត៌មានថា រូបគេមិនអាចទទួលយកសេចក្តីសម្រេចនេះបានទេ ហើយរូបគេនឹងប្តឹងទៅតុលាការកំពូលបន្តទៀត។
ជនជាប់ចោទឈ្មោះ គង់ រ៉ៃយ៉ា ត្រូវបានសមត្ថកិច្ចឃាត់ខ្លួនកាលពីថ្ងៃទី២១ ខែសីហា ឆ្នាំ២០១៥ ពាក់ព័ន្ធការចោទញុះញង់ឲ្យមានបដិវត្តន៍ពណ៌ប្រឆាំងរដ្ឋាភិបាលតាមរយៈ បណ្តាញសង្គមហ្វេសប៊ុក។
គួររំឮកថា លោក ហេង សុខណា ចៅក្រមជំនុំជម្រះសាលាដំបូងរាជធានីភ្នំពេញ កាលពីរសៀលថ្ងៃទី១៥ ខែមីនា ឆ្នាំ២០១៦ កន្លងទៅបានប្រកាសសាលក្រមសម្រេចដាក់ពន្ធនាគារកំណត់រយៈពេល១ឆ្នាំកន្លះ ក្រោមការចោទប្រកាន់ពី បទ ញុះញង់ឲ្យមានបដិវត្តន៍ពណ៌ បទល្មើសដែលមានចែងឲ្យផ្តន្ទាទោសយោងតាមមាត្រា ៤៨៥នៃក្រមព្រហ្មទណ្ឌ៕
មតិយោបល់