ជប៉ុន: ក្រុមអ្នកជួយសង្គ្រោះរាប់ពាន់នាក់ បានធ្វើការស្វែង រកតាំងពីព្រឹកព្រលឹម នៅថ្ងៃច័ន្ទ ដើម្បីជួយប្រជាជនរងគ្រោះ ដែលជាប់ ដោយការបាក់ដី និងទឹកជំនន់ នៅក្នុងប្រទេស បន្ទាប់ពីព្យុះទីហ្វុងដ៏ខ្លាំងក្លា បានសម្លាប់មនុស្សរហូតដល់ ៣៥ នាក់។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី១៤ ខែកញ្ញា ឆ្នាំ២០១៩។
ព្យុះ Hagibis បានធ្វើដំណើររសាយទៅឆ្ងាយចេញពីប្រទេសជប៉ុន កាលពីព្រឹកថ្ងៃអាទិត្យ ប៉ុន្តែវាបានបក់បោកកាត់រាជធានីតូក្យូ បណ្ដាលឲ្យរងការបំផ្លិចបំផ្លាញនៅតំបន់ជុំវិញនៃទីក្រុងផងដែរ។
ក្រុមអ្នកជួយសង្គ្រោះជាង១០ម៉ឺននាក់ ព្រមទាំងកងកម្លាំងចំនួន៣១.០០០ នាក់ នៅតែបន្តស្វែងរកអ្នកនៅរស់រានមានជីវិត តាមគំនរបាក់បែក តាំងពីយប់ថ្ងៃអាទិត្យដល់ព្រឹកថ្ងៃច័ន្ទនេះ ហើយក៏បានព្យាយាមទៅកាន់តំបន់រងគ្រោះដែលមានមនុស្សជាប់នៅទីនោះ បន្ទាប់ពីភ្លៀងធ្លាក់ខ្លាំង បានបណ្តាលឲ្យបាក់ដី និងបង្កជាទឹកជំនន់ផងដែរ៕
មតិយោបល់